1 Mga Cronica 21:7 - Marahay na Bareta Biblia

⁷ Naanggot an Dios kan bagay na ini kaya pinadusahan niya an Israel.

1 Mga Cronica 21:7 ပူးပေါင်းရင်းမြစ်များ

2 Samuel 11:27

Kan matapos an panahon nin pagmondo, kinua ni David si Batsheba asin dinara sa palasyo niya; nagin agom niya si Batsheba dangan nangaki si Batsheba nin sarong lalaki. Alagad dai nawilihan nin Kagurangnan an ginibo ni David.

2 Samuel 15:26

Alagad kun dai niya ako nawiwilihan, uya ako asin gibohon logod niya sako an pagmarahayon niya.”

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

2 Samuel 21:14

Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

2 Samuel 24:1

Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

2 Samuel 24:10

Alagad pakatapos kan pagsenso ni David, nagbasol siya asin nagsabi siya sa Kagurangnan, “Nagkasala ako nin makuri huli kan ginibo kong ini! Nakikimaherak ako na patawadon mo ako sa kalolongan kong ini.”

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Cronica 21:14

Kaya nagpadara nin peste sa Israel an Kagurangnan, asin nagkagaradan an setenta mil na mga Israelita.

1 Mga Cronica 21:6

Huli ta dai naoyonan ni Joab an pagboot ni David, dai niya kinua an senso kan mga tribu ni Levi saka ni Benjamin.

1 Mga Cronica 21:8

Nagsabi si David sa Dios, “Nagkasala ako nin makuri huli kan ginibo kong ini. Nakikimaherak ako na patawadon mo ako sa kalolongan kong ini.”

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

Josue 7:5

Linamag sinda kan mga taga Ai magpoon sa trangkahan kan syudad sagkod sa Shebarim asin ginadan an mga treynta y seis sainda sa dalan palugsot sa bulod. Kaya nagluya an boot kan mga Israelita asin natakot sinda.