1 Mga Cronica 21:26 - Marahay na Bareta Biblia

²⁶ Nagpatindog duman si David nin sarong altar para sa Kagurangnan, asin nagdolot siya nin mga tinutong na atang saka mga dolot para sa katoninongan. Namibi siya asin sinimbag siya nin Kagurangnan sa paagi nin kalayong hale sa langit na tuminutong kan mga dolot sa altar.

1 Mga Cronica 21:26 ပူးပေါင်းရင်းမြစ်များ

1 Mga Hade 18:24

Pakatapos, mamimibi kamo sa saindong dios asin mamimibi man ako sa Kagurangnan. An magsimbag sa paagi nin kalayo, iyo an Dios.” Nagkurahaw kan saindang pag-oyon an mga tawo.

1 Mga Hade 18:38

Dangan naghulog an kalayo nin Kagurangnan; tinutong kaini an atang, an igatong asin an mga gapo saka an daga. Nagmara an tubig sa kali.

1 Mga Cronica 21:27

Dangan pinagbotan nin Kagurangnan an anghel na isarong an espada, asin nagkuyog ini.

2 Mga Cronica 3:1

Itinalaan na ni David, na ama ni Solomon, kun saen itutugdok an Templo. Duman ini itutugdok sa Jerusalem, sa ibabaw kan Bukid nin Moria, saen nagpahiling ki David an Kagurangnan, sa lugar na ginamit ni Arauna na Jebuseo bilang ginikan. Pinonan ni Solomon an pagtugdok kan Templo

2 Mga Cronica 7:1

Pakapamibi ni Solomon, may kalayo na naghilig hale sa langit dangan tinutong an mga idinolot na atang, asin an Templo napano kan kamurawayan nin Kagurangnan.

Salmo 51:15

Kagurangnan, bukahon mo an sakuyang ngoso, asin an sakong dila magrurukyaw kan saimong kaomawan.

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Salmo 99:9

Pag-omawon an Kagurangnan nyamong Dios, asin sambahon siya sa saiyang banal na bulod! Huli ta banal an Kagurangnan na samuyang Dios.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Mga Bilang 16:50

Kan mag-ontok na an peste, nagbalik si Aaron ki Moises duman sa pintoan kan Tabernakulo.

Hukom 13:20

Mantang nag-iitaas an kalayo hale sa altar, nahiling kan mag-agom na nag-iitaas sa langit an anghel nin Kagurangnan kaiba kan kalayo. Dangan nasabotan ni Manoa na an lalaki iyo palan an anghel nin Kagurangnan, kaya nagdapa an mag-agom sa daga. Dai na nanggad ninda nahiling an anghel.

Hukom 6:21

Dangan an karne saka tinapay dinutaan kan anghel nin Kagurangnan kan poro kan saiyang sugkod. Biglang luminuwas an kalayo hale sa gapo asin tinutong an karne sagkod an tinapay. Pakatapos kaini, nawara an anghel.