1 Mga Cronica 21:24 - Marahay na Bareta Biblia

²⁴ Alagad nagsimbag an hade, “Babakalon ko an saimong ginikan sa tamang halaga. Dai ko kukuahon para sa Kagurangnan an anoman na pagsadiri mo; dai man ako madolot nin anoman na dai ko binayadan.”

1 Mga Cronica 21:24 ပူးပေါင်းရင်းမြစ်များ

Genesis 14:23

na dai ako makua nin ano man na sadiri mo, minsan torsido o sintas kan sandalyas, tanganing dai mo masabing, ‘Ako an nagpayaman ki Abram!’

Genesis 23:13

asin nagsabi ki Efron sa pandangog kan gabos, “Dangoga ngona ako; babakalon ko an bilog na oma. Akoa an kabayadan tanganing ikalubong ko duman an sakong agom.”

Genesis 23:9

tanganing ipabakal niya sako an lungib nin Macpela na sadiri niya; nasa poro ini kan saiyang oma. Kaolayon nindo siya na sa atubang nindo, babakalon ko idto saiya sa presyong gusto niya tanganing masadirihan ko bilang lulubngan.”

2 Samuel 24:24

Alagad nagsimbag an hade, “Babakalon ko an saimong ginikan sa tamang halaga. Dai ako madolot sa Kagurangnan na sakong Dios nin atang na dai ko binayadan.” Kaya binakal ni David sa halagang singkwentang pedaso na kwartang plata an lugar na pinaggiginikan asin an mga baka.

1 Mga Cronica 21:23

Nagsimbag si Arauna, “Mahal na hade, saimo na sana iyan. Giboha an ano man na pagmarahayon mo. Itinatao ko man ining baka para sa tinutong na mga atang, ining mga kahoy kan ginikan bilang igatong, saka ining trigo para sa dolot na pagkakan. Itinatao ko ini gabos saimo.”

1 Mga Cronica 21:25

Kaya binayadan ni David si Arauna nin seis syentos na kwartang bulawan para sa ginikan.

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.