1 Mga Cronica 21:23 - Marahay na Bareta Biblia

²³ Nagsimbag si Arauna, “Mahal na hade, saimo na sana iyan. Giboha an ano man na pagmarahayon mo. Itinatao ko man ining baka para sa tinutong na mga atang, ining mga kahoy kan ginikan bilang igatong, saka ining trigo para sa dolot na pagkakan. Itinatao ko ini gabos saimo.”

1 Mga Cronica 21:23 ပူးပေါင်းရင်းမြစ်များ

1 Mga Hade 19:21

Nagbalik si Eliseo dangan kinua an sarong pades na torong baka, binuno an mga ini, asin linuto an karne. Ginamit niyang igatong an mga sakal kan mga toro. An karne itinao niya sa mga tawo asin nagkakan sinda. Pakatapos nagsunod siya ki Elias asin naglingkod saiya.

1 Mga Cronica 21:22

Nagsabi si David ki Arauna, “Pabakalan sako an saimong ginikan; tutugdokan ko iyan nin altar para sa Kagurangnan tanganing mag-ontok an peste. Babayadan ko an bilog na halaga kaiyan.”

1 Mga Cronica 21:24

Alagad nagsimbag an hade, “Babakalon ko an saimong ginikan sa tamang halaga. Dai ko kukuahon para sa Kagurangnan an anoman na pagsadiri mo; dai man ako madolot nin anoman na dai ko binayadan.”

Jeremias 32:8

Siring kan itinaram nin Kagurangnan, nagduman sako sa patyo si Hanamel, dangan kinaolay ako na bakalon an oma niya. Kaya naaraman ko na totoong nagtaram sako an Kagurangnan.

1 Samuel 6:14

Nakaabot an kariton sa oma ni Josue na taga Bet-semes asin nag-ontok sa harani nin sarong dakulang gapo. Tiniak kan mga tawo an kariton na kahoy asin idinolot ninda an mga baka bilang tinutong na atang sa Kagurangnan.