1 Mga Cronica 21:17 - Marahay na Bareta Biblia

¹⁷ Dangan namibi sa Dios si David, “Bakong ako man sana an nagkasala, huli ta ako an nagboot na sensohon an mga tawo? Ano an naginibo kan mga tawong ini? Nakikimaherak ako, O Kagurangnan, sakuyang Dios, na ako sana saka an sakuyang pamilya an saimong padusahan; alagad iligtas mo an saimong banwaan.”

1 Mga Cronica 21:17 ပူးပေါင်းရင်းမြစ်များ

Genesis 44:33

Kaya, kagurangnan, ako na sana an gibohon mong oripon embes na an aki; tugotan mo siyang magpuli kaiba kan saiyang mga tugang.

2 Samuel 12:10

Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

2 Samuel 24:1

Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

2 Samuel 24:17

Nahiling ni David an anghel na nanggagadan kan mga tawo, asin sinabihan niya an Kagurangnan, “Ako an nagkasala. Ako an nakaginibo nin maraot. Ano an naginibo kan mga tawong ini? Ako asin an sakong pamilya an padusahan mo.”

2 Samuel 7:8

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

1 Mga Hade 22:17

Nagsimbag si Micaias, “Nahiling ko an bilog na Israel na nawarak sa kabukidan, arog sa mga karnero na mayo nin pastor, asin nagtaram an Kagurangnan, ‘Mayo sinda nin pamayo, papulia sinda sa katoninongan.’”

1 Mga Cronica 21:8

Nagsabi si David sa Dios, “Nagkasala ako nin makuri huli kan ginibo kong ini. Nakikimaherak ako na patawadon mo ako sa kalolongan kong ini.”

Salmo 44:11

Siring sa mga karnero, tinugotan mo kaming bunoon; iwinarak mo kami sa ibang mga nasyon.

Salmo 51:14

Ligtasan ako, O Dios, sa kagadanan, ika na Dios nin sakuyang kaligtasan, asin an sakong dila mag-aawit kan saimong katanosan.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Salmo 74:1

O Dios, tadaw ta isinisikwal mo kami sagkod lamang? Tano ta anggot ka sa mga karnero na saimong ataman?

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Jonas 1:12

Nagsimbag si Jonas, “Itapok nindo ako sa dagat asin maontok iyan. Aram kong ako an dahelan kan pag-abot kan makosog na bagyong ini sa saindo.”

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

Josue 22:18

Nagsasayuma na kamo ngunyan sa pagsunod saiya? Kun magtumang kamo sa Kagurangnan ngunyan, maaanggot siya sa bilog na Israel sa aga.

1 Juan 3:16

Naaraman ta kun ano an pagkamoot kan idolot ni Cristo an saiyang buhay para sato. Kaya dapat man na idolot ta an satong buhay para sa satong mga tugang!