1 Mga Cronica 21:13 - Marahay na Bareta Biblia

¹³ Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

1 Mga Cronica 21:13 ပူးပေါင်းရင်းမြစ်များ

2 Mga Hade 6:15

Pagkaaga, nagbangon an sorogoon ni Eliseo, nagluwas sa harong asin nahiling an mga soldados, an mga kabayo saka an mga karwahe na nakapalibot sa syudad. Nagsabi an sorogoon, “Kagurangnan, ano an satong gigibohon?”

2 Mga Hade 7:4

Mayo nin halaga kun maglaog kita sa syudad, huli ta magagadan man kita sa gutom duman; alagad kun magparaturukaw kita digdi, magagadan man giraray kita. Kaya magduman kita sa kampo kan mga taga Siria. An pinakamaraot na mangyayari sato iyo na pwedeng gadanon ninda kita, alagad tibaad iligtas ninda an satong buhay.”

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

Esther 4:11

“Gagadanon an siisay man, lalaki o babae, na lumaog sa pinakalaog na patyo asin umatubang sa hade na dai man ipinaapod. Iyan an katogonan; an lambang saro, magpoon sa mga parahatol kan hade sagkod sa mga tawo sa mga probinsya, nakakaaram kaiyan. Saro sana an paagi tanganing malikayan an katogonan na ini: kun iduta kan hade an saiyang bulawan na setro sa sarong tawo, maliligtas an buhay kan tawong iyan. Alagad sarong bulan na akong dai ipinapaapod kan hade.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Salmo 103:8

Maheherakon an Kagurangnan asin maugayon, maluway sa pag-anggot, mayaman sa pagkamoot.

Salmo 106:7

Kan an samong ginikanan yaon duman sa Egipto, dai ninda nasabotan an mga makangangalas mong gibo. Nalingawan ninda an yaman kan danay na pagkamoot mo; asin nagsombikal sa Makakamhan duman sa Dagat na Pula.

Salmo 119:156

Dakula an saimong pagkaherak, Kagurangnan; tawe ako nin buhay sosog sa saimong katanosan.

Salmo 130:4

Alagad yaon saimo an pagpatawad, tanganing ika samong katakotan.

Salmo 130:7

O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

Salmo 5:7

Alagad huli ta dakula an danay mong pagkamoot, makakalaog ako sa saimong harong; makakasamba ako sa banal mong Templo, makakataong galang sa atubang mo.

Salmo 69:13

Alagad para sako, mamimibi ako saimo, Kagurangnan. O Dios, sa panahon na saimong pagmarahayon, simbaga ako huli kan danay mong pagkamoot; huli ta ika maimbod sa saimong panuga.

Salmo 69:16

Simbaga ako, Kagurangnan, huli ta marahayon an danay mong pagkamoot; lilingya ako huli kan dakula mong pagkaherak.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Mga Talinhaga 12:10

Inaataman kan marahay na tawo an saiyang mga hayop, alagad dai naheherak sa sainda an maraot.

Isaias 46:7

Ibinubugtak ninda iyan sa saindang mga abaga asin dinadara; ibinubugtak ninda iyan sa sadiring lugar asin duman sana iyan nagtitindog, dai nakakahiro sa namumugtakan. Kun igwang mamibi diyan, dai iyan nakakasimbag o nakakaligtas saiya sa panahon nin kasakitan.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Mga Panambitan 3:32

Pwedeng darahan niya kita nin kamondoan, alagad an pagkamoot niya sato makusog asin masasarigan.

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Juan 12:27

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan.

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

Hebreyo 10:31

Makangingirhat an padusa nin Dios na buhay sa mga tawong naggigibo nin siring!