1 Mga Cronica 2:55 - Marahay na Bareta Biblia

⁵⁵ Iyo man ini an mga kamaganakan kan mga eskriba na nag-eerok sa Jabez: an mga Tirateo, mga Simateo, asin mga Sucateo. Iyo ini an mga Cineo na guminikan ki Hamat na ama kan mga Recabita.)

1 Mga Cronica 2:55 ပူးပေါင်းရင်းမြစ်များ

2 Mga Hade 10:15

Kan maghale si Jehu sa lugar na idto, nasabat niya si Jonadab na aking lalaki ni Recab na nagluwas sa pagsabat saiya. Kinomusta ni Jehu si Jonadab asin sinabihan, “Pareho an dalagan kan isip nyato. Tatabangan mo daw ako?” “Tatabangan taka,” an simbag ni Jonadab. “Kun siring, iabot mo sako an saimong kamot,” an sabi ni Jehu. Kaya inabot ni Jonadab an saiyang kamot, asin tinabangan siya ni Jehu sa paglunad sa karwahe.

1 Mga Cronica 2:54

Si Salma, na ama ni Betlehem, iyo an ginikanan kan mga nag-eerok sa Netofat, sa Atrot-bet-joab, asin kan mga Zorita na saro sa duwang kamaganakan nin Manahat. (

1 Mga Cronica 3:1

Iyo ini an mga aking lalaki ni David na namundag duman sa Hebron: Si Amnon, an matua, na an ina iyo si Ahinoam na taga Jezreel Si Daniel, an ikaduwa, na an ina iyo si Abigail na taga Carmelo Si Absalom, an ikatolo, na an ina iyo si Maaca na aki ni Talmai na hade kan Gesur Si Adonias, an ikaapat, na an ina iyo si Haggit Si Sefatias, an ikalima, na an ina iyo si Abital Si Itream, an ikaanom, na an ina iyo si Egla.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Jeremias 35:19

Kaya ako, an Kagurangnan nin mga hukbo, an Dios nin Israel, nanunuga na si Jonadab na aking lalaki ni Recab danay na magkakaigwa nin sarong lalaking kapagarakian na maglilingkod sako.”

Jeremias 8:8

Paano nindo nasasabi na madonong kamo saka naaaraman nindo an mga katogonan ko? Alagad an mga togon binago kan mga madayang eskriba.

Hukom 1:16

Hale sa Jerico, an syudad nin mga palma, nagpadagos sa paglakaw an tribu ni Juda kaiba an mga Cineo na kapagarakian kan panugangan ni Moises. Nagpasiring sinda sa kalangtadan nin Juda harani sa Arad. Dangan duman sinda nag-erok kaiba an mga Amalekita.

Hukom 4:11

Sa oras na idto, naghale si Heber na Cineo sa lugar kan kapwa niya Cineo, na kapagarakian ni Hobab na panugangan na lalaki ni Moises. Nagtugdok si Heber kan saiyang tolda harani sa Kedes, sa may kahoy na hamurawon sa Zanannim.

1 Samuel 15:6

Nagpatanid siya sa mga Cineo, “Maghale kamo; bayaan nindo an mga Amalekita, tanganing dai kamo makaiba sa paggadan ko sainda, huli ta nagin maboot kamo sa mga Israelita kan mag-abot sinda hale sa Egipto.” Kaya nagharale an mga Cineo.