1 Mga Cronica 19:4 - Marahay na Bareta Biblia

⁴ Kaya dinakop ni Hanun an mga sinugo ni David, inahit an saindang barabas, pinutol sa may piad an saindang mga gubing, dangan pinahale sinda.

1 Mga Cronica 19:4 ပူးပေါင်းရင်းမြစ်များ

1 Mga Cronica 19:3

Alagad nagsabi ki Hanun an mga lider na Ammonita, “Sa paghona mo, sinugo ni David an mga lalaking iyan sa pakidumamay saimo, huli sa pag-omaw sa saimong ama? Bako daw na sinugo niya sinda sa pagsiyasat asin pagmanman kan daga tanganing saiyang sakopon?”

1 Mga Cronica 19:5

Soropog nang magpuli an mga sugo ni David. Kan naaraman ni David an nangyari, pinasabihan niya sinda na mag-erok ngona sa Jerico asin dai magpuli sagkod na dai pa nagtalubo an saindang mga barabas.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Salmo 35:12

Karatan an balos ninda sa karahayan; an sakuyang kalag nawawaran nin paglaom.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 20:4

Hurubang dadarahon kan hade nin Asiria an mga bilanggo na saiyang nabihag hale sa duwang nasyon na ini. Aki asin gurang, malakaw sinda na mayong sandalyas saka huba, mayong tahob an lubot na magdadara nin kasosopgan sa Egipto.

Jeremias 41:5

otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Levitico 19:27

Dai nindo pagguntingan an buhok na yaon sa gilid kan saindong payo o pagputolan an poro kan saindong barabas.

Markos 12:4

Nagsugo giraray nin sarong sorogoon an kagsadiri; alagad pinukpok siya, dangan sinupog kan mga tumatawo.