1 Mga Cronica 19:2 - Marahay na Bareta Biblia

² Nagsabi si David, “Makikipagkatood ako ki Hanun, siring kan ginibo sako kan saiyang ama.” Kaya nagpadara si David nin mga sugo ki Hanun sa pagpahiling nin pakidumamay. Pag-abot ninda sa Ammon nag-atubang sinda ki Hanun.

1 Mga Cronica 19:2 ပူးပေါင်းရင်းမြစ်များ

2 Samuel 9:1

Sarong aldaw, naghapot si David, “Igwa pa daw nin natatada sa pamilya ni Saul? Kun igwa, boot kong ipahiling saiya an sakong pagkaherak huli ki Jonatan.”

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

2 Mga Hade 4:13

sinabihan ni Eliseo an saiyang sorogoon, “Hapoton mo siya kun ano an ikakatabang ko saiya bilang balos sa kapagalan niya para sato. Tibaad boot niyang kaolayon ko para saiya an hade o an pamayo kan hukbo.” “Igwa ako kan gabos kong kaipuhan digdi sa kaibahan kan sakong kahimanwa,” an simbag kan babae.

1 Mga Cronica 19:1

Dai nahaloy, nagadan si Nahas na hade nin Ammon. Si Hanun na aki niyang lalaki iyo an nagsalihid saiya bilang hade.

1 Mga Cronica 19:3

Alagad nagsabi ki Hanun an mga lider na Ammonita, “Sa paghona mo, sinugo ni David an mga lalaking iyan sa pakidumamay saimo, huli sa pag-omaw sa saimong ama? Bako daw na sinugo niya sinda sa pagsiyasat asin pagmanman kan daga tanganing saiyang sakopon?”

Nehemias 13:1

Kan basahon sa mga tawo an Katogonan ni Moises, nabasa ninda digdi na ipinapangalad sa kiisay man na Ammonita o Moabita na mag-ayon sa banwaan nin Dios;

Nehemias 4:3

Nagsabi man si Tobias na Ammonita na nakatindog sa kataed niya, “Anong klaseng kudal an itutugdok ninda? Marurumpag sana iyan kun sakatan nin sarong lobo!”

Nehemias 4:7

Naanggot nin makuri si Sanballat, si Tobias, asin an mga Arab, mga Ammonita, saka an mga Asdodita kan madangog ninda na padagos an paghirahay mi kan mga kudal nin Jerusalem asin na nagkasurulat mi na an mga labot kaini.

Esther 6:3

Naghapot an hade, “Anong pag-omaw saka balos an itinao ki Mardokeo huli kan ginibo niyang ini?” “Mayo lamang nin ginibo para saiya,” an simbag kan mga sorogoon kan hade.

Parahulit 9:15

Igwang nag-erok duman na sarong dukha alagad madonong na lalaki, na pwede kutanang magligtas kan syudad. Alagad mayo man lamang nin nakagiromdom saiya.

Juan 11:19

kaya dakul na mga Judio an nagdalaw sa magtugang na Marta asin Maria sa pagranga sainda.

1 Samuel 30:26

Kan magbalik si David sa Ziklag, ipinadara niya an ibang sinamsam sa saiyang mga katood, an mga kamagurangan nin Juda, kaiba an mensaheng ini, “Uya an sarong regalo para saindo hale sa sinamsam na samong kinua sa mga kaiwal nin Kagurangnan.”