1 Mga Cronica 18:5 - Marahay na Bareta Biblia

⁵ Kan mag-abot an mga Siro na taga Damasco tanganing tabangan si Hadeng Hadadezer, sinalakay sinda ni David asin ginadan niya an beynte y dos mil na mga Siro.

1 Mga Cronica 18:5 ပူးပေါင်းရင်းမြစ်များ

1 Mga Cronica 18:3

Dangan dinaog ni David si Hadadezer na hade nin Zoba, sa lugar pasiring sa Hamat. Pasiring kaidto si Hadadezer sa teritoryo sa may Salog nin Eufrates huli ta boot niyang magtugdok digdi nin monumento.

1 Mga Cronica 18:4

Binihag ni David an sangribong karwahe ni Hadadezer, syete mil na mga nakakabayong soldados asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

1 Mga Cronica 18:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

1 Mga Cronica 19:6

Kan nahiling kan mga Ammonita na nagin kaiwal ninda si David, nagbayad sinda nin mga treynta y kwatro mil na kilo nin plata sa pag-arkila nin mga karwahe saka sa pagtandan nin mga nakakabayong soldados hale sa Mesopotamia, sa Maaca, asin Zoba.

Salmo 60:2

Pinalinog mo an daga asin pinabuka; an mga gatak pakarahaya, huli ta narurumpag.

1 Samuel 14:47

Kan nagin hade si Saul sa Israel, nakilaban siya sa gabos niyang kaiwal sa manlaen-laen na lugar: sa mga Moabita, sa mga Ammonita, saka sa mga Edomita, sa mga hade kan Zoba asin sa mga Filisteo. Saen man nakilaban si Saul, nanggana siya.