1 Mga Cronica 18:13 - Marahay na Bareta Biblia

¹³ Nagpatindog siya nin mga kampo nin mga soldados sa Edom; nagin sorogoon ni David an mga tawo duman. Pinapanggana nin Kagurangnan si David saen man siya magduman.

1 Mga Cronica 18:13 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Genesis 27:29

Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Genesis 27:37

Nagsimbag si Isaac, “Ginibo ko na siyang kagurangnan mo, asin an gabos niyang kadugo itinao ko na sa saiya bilang mga oripon. Tinawan ko siya nin dakul na ani asin arak. Mayo na akong magiginibo para saimo, aki ko!”

Genesis 27:40

Mabubuhay ka huli sa saimong espada asin magigin sorogoon ka kan tugang mo. Alagad kun magrebelde ka, makakatalingkas ka sa saiyang kapangyarihan.”

2 Samuel 23:14

Yaon kaidto si David sa sarong bantayan, asin sinakop na kaidto nin sarong grupo nin mga Filisteo an Betlehem.

1 Mga Hade 11:15

Bago mangyari ini, kan masakop ni David an Edom, si Joab na pamayo kan saiyang hukbo nagduman tanganing maglubong kan mga gadan. Anom na bulan siyang nag-ontok sa Edom, kaiba an saiyang mga tawohan, asin sa panahon na iyan ginaradan ninda an gabos na lalaki sa Edom

1 Mga Cronica 18:12

Dinaog ni Abisai, na an ina iyo si Zeruias, an mga Edomita duman sa Kapantayan nin Asin, saka ginadan niya an dyes y otso mil na Edomita.

1 Mga Cronica 18:14

Naghade si David sa bilog na Israel; tinawan niya nin hustisya asin katanosan an saiyang banwaan.

1 Mga Cronica 18:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

Salmo 121:7

Ililikay ka nin Kagurangnan sa gabos na pag-alaman; aatamanon niya an saimong buhay.

Salmo 144:10

Tinatawan mo nin kapangganahan an mga hade asin iliniligtas mo an saimong sorogoon na si David.

Mga Bilang 24:18

Dadaogon niya an saiyang mga kaiwal sa Edom, An saindang daga saiyang sasakopon Mantang padagos an panggagana nin Israel.

2 Corinto 11:32

Kan nasa Damasco ako, an gobernador duman na sakop ni Hadeng Aretas nagbugtak nin mga bantay sa mga trangkahan kan syudad tanganing dakopon ako.

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.

1 Samuel 13:3

Ginadan ni Jonatan an pamayo kan mga Filisteo sa Geba, asin nabaretaan ini kan gabos na Filisteo. Dangan nagpadara si Saul nin mga sugo sa bilog na daga tanganing apodon an mga Hebreyo sa pakigera huli sa pagpatanog kan trompeta sa bilog na daga.

1 Samuel 14:1

Sarong aldaw, sinabihan ni Jonatan an hoben na lalaking paradara kan saiyang armas, “Madya, magduman kita sa kampo kan mga Filisteo.” Alagad dai pinaisi ni Jonatan an ama niyang si Saul,

1 Samuel 18:14

asin nagin mapanggana siya sa gabos niyang gibo, huli ta kaiba niya an Kagurangnan.