1 Mga Cronica 18:12 - Marahay na Bareta Biblia

¹² Dinaog ni Abisai, na an ina iyo si Zeruias, an mga Edomita duman sa Kapantayan nin Asin, saka ginadan niya an dyes y otso mil na Edomita.

1 Mga Cronica 18:12 ပူးပေါင်းရင်းမြစ်များ

2 Samuel 10:10

An natada sa saiyang hukbo ibinugtak niya sa pamamahala kan tugang niyang si Abisai, asin iyo an pinaatubang niya sa mga Ammonita.

2 Samuel 10:14

Kan nahiling kan mga Ammonita na nagdurulag an mga Siro, nagdurulag man sinda ki Abisai asin naglaog sa saindang syudad. Kaya nag-ontok si Joab sa pakikilaban sa mga Ammonita asin nagbalik sa Jerusalem.

2 Samuel 20:6

Kaya sinabihan si Abisai kan hade, “Orog na kulog nin payo an itatao sato ni Sheba ki sa ki Absalom. Ipag-iba mo an sakong mga tawohan asin lamagon mo siya, ta tibaad may masakop siyang pusog na mga banwa asin makadulag sato.”

2 Samuel 21:17

Alagad tinabangan si David ni Abisai na aking lalaki ni Zeruias, sinalakay an higante, asin ginadan. Dangan pinasumpa si David kan saiyang mga tawohan na, “Dai ka na nanggad mag-iba samo sa pakilaban. Ika an paglaom nin Israel, asin habo ming mawara ka.”

2 Samuel 23:18

Si Abisai, na tugang na lalaki ni Joab (an ina ninda iyo si Zeruias), iyo an pamayo kan “An Treynta.” Nakilaban siya sa paagi kan saiyang garod laban sa tolong gatos na kaiwal asin ginadan niya an mga ini, kaya nagin bantog siya arog kan “An Treynta.”

2 Samuel 3:30

Kaya binalos ni Joab asin ni Abisai si Abner huli ta ginadan niya an saindang tugang na si Asahel sa ralaban sa Gibeon.

2 Samuel 7:13

Siya an matugdok nin Templo para sako, asin gigibohon kong magdanay an saiyang trono sagkod pa man.

1 Mga Hade 11:15

Bago mangyari ini, kan masakop ni David an Edom, si Joab na pamayo kan saiyang hukbo nagduman tanganing maglubong kan mga gadan. Anom na bulan siyang nag-ontok sa Edom, kaiba an saiyang mga tawohan, asin sa panahon na iyan ginaradan ninda an gabos na lalaki sa Edom

2 Mga Hade 14:7

Ginadan niya an dyes mil na Edomita sa Kapantayan nin Asin; sinakop niya an syudad nin Sela asin inapod ining Jokteel, na iyo an ngaran kaini ngunyan.

1 Mga Cronica 11:20

Si Abisai, na tugang na lalaki ni Joab, iyo an pamayo kan “An Treynta.” Nakilaban siya sa paagi kan saiyang garod laban sa tres syentos na lalaki, asin ginadan niya an mga ini, kaya nagin bantog siya arog kan “An Tolo.”

1 Mga Cronica 18:11

An mga regalong ini idinusay ni Hadeng David sa Kagurangnan, kaiba an mga plata asin bulawan na sinamsam niya hale sa mga nasyon na saiyang nadaog—an Edom, Moab, Ammon, Filistia, asin Amalek.

1 Mga Cronica 18:13

Nagpatindog siya nin mga kampo nin mga soldados sa Edom; nagin sorogoon ni David an mga tawo duman. Pinapanggana nin Kagurangnan si David saen man siya magduman.

1 Mga Cronica 19:11

An natada sa saiyang hukbo ibinugtak niya sa pamamahala kan tugang niyang si Abisai, asin iyo an pinaatubang niya sa mga Ammonita.

1 Mga Cronica 2:16

Igwa pa siya nin duwang aking babae: si Zeruias asin si Abigail. An aking babae ni Jesse na si Zeruias nagkaigwa nin tolong aking lalaki na iyo si Abisai, Joab, asin Asahel.

2 Mga Cronica 25:11

Nagmaisog si Amazias dangan pinamayohan an saiyang hukbo pasiring sa Kapantayan nin Asin. Nakagadan sinda duman nin mga dyes mil na soldados na Edomita,

Salmo 60:1

O Dios, isinikwal asin rinonot mo kami; naanggot ka—alagad balikan mo kami.

Salmo 60:2

Pinalinog mo an daga asin pinabuka; an mga gatak pakarahaya, huli ta narurumpag.

1 Samuel 26:6

Hinapot ni David si Ahimelec na Heteo, asin si Abisai na tugang ni Joab (an ina ninda iyo si Zeruias), “Siisay sa saindong duwa an maiba sako pasiring sa kampo ni Saul?” “Ako,” an simbag ni Abisai.

1 Samuel 26:8

Nagsabi si Abisai ki David, “Ngunyan na banggi, itinao nin Dios sa saimong kamot an saimong kaiwal. Tugote akong itadok si Saul sa daga kan saiya man sanang garod; saro sanang tusok asin dai na kaipuhan uliton pa!”