1 Mga Cronica 17:27 - Marahay na Bareta Biblia

²⁷ Nakikimaherak ako na bendisyonan mo an sakong kapagarakian tanganing magdanay sinda sagkod pa man sa saimong atubangan; huli ta an saimong bendisyon, O Kagurangnan, bendisyon sagkod lamang.”

1 Mga Cronica 17:27 ပူးပေါင်းရင်းမြစ်များ

Genesis 27:33

Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”

1 Mga Hade 2:33

Huli kan saindang pagkagadan, an padusa mahugpa ki Joab asin sa saiyang mga kapagarakian sagkod pa man. Alagad danay na papauswagon nin Kagurangnan an kapagarakian ni David na matukaw sa saiyang trono.”

1 Mga Hade 2:45

Alagad bebendisyonan niya ako, asin pusog na mapapatindog sagkod pa man an kahadean ni David.”

1 Mga Cronica 17:26

Ika an Dios, O Kagurangnan, asin ginibo mo an marahay na panugang ini sa saimong sorogoon.

1 Mga Cronica 18:1

Pakatapos kaini, sinalakay giraray ni David an mga Filisteo. Dinaog niya sinda, asin tinapos niya an saindang pagsakop sa syudad nin Gat patin sa mga baryo sa palibot kaiyan.

1 Mga Cronica 28:4

Alagad pinili ako nin Kagurangnan na Dios nin Israel na maghade sagkod pa man sa Israel. Pinili niya an tribu ni Juda bilang pamayo; asin gikan sa tribu ni Juda pinili niya an pamilya nin sakong ama. Sa mga aking lalaki nin sakong ama, naogma siyang pilion ako na magin hade kan bilog na Israel.

Salmo 21:6

Bendisyon iwinaras mo saiya sagkod pa man; pinaogma mo huli kan saimong presensya.

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Mga Bilang 23:20

Pinagbotan ako na magbendisyon, Asin kun an Dios minabendisyon, dai ko iyan maliliwat.

Roma 11:29

Dai binabawi nin Dios an saiyang mga balaog; dai niya binabago an saiyang pag-apod.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Deuteronomio 15:6

Bebendisyonan kamo nin Kagurangnan siring sa saiyang ipinanuga. Magpapautang kamo nin kwarta sa dakul na nasyon, alagad dai kamo mautang sa kiisay man; masasakopan nindo an dakul na nasyon, alagad mayong nasyon na masakop saindo.