1 Mga Cronica 17:18 - Marahay na Bareta Biblia

¹⁸ Ano pa an masasabi ko saimo huli kan ginibo mong pag-omaw sa saimong sorogoon? Midbid mo ako nin marahay.

1 Mga Cronica 17:18 ပူးပေါင်းရင်းမြစ်များ

1 Mga Cronica 17:17

Alagad dakul pa an ginibo mo para sako, O Dios; nagtaram ka man manongod sa sakuyang kapagarakian sa maabot na panahon, O Kagurangnan Dios!

1 Mga Cronica 17:19

Kabotan asin katuyohan mo na gibohon ini para sako; ginibo mo an darakulang bagay na ini tanganing tukdoan ako.

Salmo 139:1

Kagurangnan, ako siniyasat mo asin namidbid mo.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.