1 Mga Cronica 17:14 - Marahay na Bareta Biblia

¹⁴ Siya an mamamahala kan sakuyang banwaan asin kan sakuyang kahadean; an saiyang trono magdadanay sagkod lamang.’”

1 Mga Cronica 17:14 ပူးပေါင်းရင်းမြစ်များ

1 Mga Cronica 17:13

Ako an saiyang magigin ama; siya an magigin aki kong lalaki. Dai ko hahaleon saiya an sakuyang tabang, bakong arog kan ginibo ko ki Saul na naenot saimo.

1 Mga Cronica 17:15

Isinabi ni Natan ki David an gabos na ipinahayag saiya nin Dios.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 89:36

An saiyang kapagarakian nin mga hade magdadanay sagkod lamang; babantayan ko an saiyang kahadean sagkod na nagliliwanag an aldaw.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.