1 Mga Cronica 16:40 - Marahay na Bareta Biblia

⁴⁰ Aga-aga asin barubanggi, dayaday na madolot sinda nin mga tinutong na atang sa altar, sosog sa nasusurat sa Togon na itinao nin Kagurangnan sa Israel.

1 Mga Cronica 16:40 ပူးပေါင်းရင်းမြစ်များ

2 Samuel 8:17

si Zadok, na aking lalaki ni Ahitub, asin si Ahimelec, na aking lalaki ni Abiatar, iyo an mga padi; si Seraias, iyo an sekretaryo;

1 Mga Hade 18:29

Nagpadagos sinda kan makosog na pag-apod ki Baal sagkod alas tres nin hapon; alagad mayo nin nagsimbag asin mayo nin nagdangog.

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

2 Mga Cronica 31:3

Hale sa mga hayop na pagsadiri kan hade, nagtao siya nin mga hayop na tututongon sa aldaw saka sa banggi, sa aldaw nin Sabbath, sa Pyesta nin Bagong Bulan, asin sa iba pang pyesta na hinahagad kan Katogonan nin Kagurangnan.

Esdras 3:3

Huli ta takot sinda sa mga tawo na nag-eerok duman, itinugdok ninda giraray an altar sa dating lugar asin nagdolot sinda nin mga tinutong na atang sa Kagurangnan aldaw-banggi.

Daniel 9:21

Mantang namimibi ako, si Gabriel, an lalaking nahiling ko sa bisyon, naglayog pasiring sa namumugtakan ko. Panahon kaidto kan pagdolot kan pangbangging atang.

Levitico 9:17

Idinolot man niya an dolot na pagkakan; huminakbot siya nin sarong gugom kan arina dangan sinulo niya sa altar, laen pa kan tinutong na atang sa pagkaaga.

Amos 4:4

An Kagurangnan Dios nagtataram, “Mga taga Israel, dumuman kamo sa banal na lugar sa Betel asin magkasala kamo! Dumuman kamo sa Gilgal asin orog pa kamong magkasala! Daraha nindo an mga hayop na isasakripisyo aga-aga, asin an saindong himoloan sa lambang ikatolong aldaw.