1 Mga Cronica 16:4 - Marahay na Bareta Biblia

⁴ Dangan nagpili si David nin nagkapirang mga Levita tanganing mangenot sa pagsamba, pagpasalamat dangan pag-omaw sa Kagurangnan, an Dios nin Israel, sa atubangan kan Kaban nin Tipan.

1 Mga Cronica 16:4 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 33:20

Nagpatindog siya nin altar duman asin nginaranan niyang El-Elohe-Israel.

1 Mga Hade 8:15

Nagsabi siya, “Pag-omawon an Kagurangnan Dios nin Israel! Inotob niya an saiyang panuga sa sakong ama kan siya magtaram,

1 Mga Cronica 15:16

Pinagbotan man ni David an mga lider kan mga Levita na ibugtak an iba nindang tugang tanganing mag-awit asin magtugtog nin maogmang musika sa mga arpa, lira saka gimbal.

1 Mga Cronica 16:3

dangan an lambang lalaki saka babae tinawan niya nin sarong pedasong tinapay, sarong pedasong karne saka mga pasas.

1 Mga Cronica 16:5

Si Asaf an ibinugtak na pamayo, asin si Zacarias bilang saiyang katabang. Si Jeiel, Semiramot, Jehiel, Matitias, Eliab, Benaias, Obed-edom, asin Jeiel iyo an matugtog kan mga arpa asin lira, mantang si Asaf iyo an mapatanog kan mga trompeta sa atubangan kan Kaban nin Tipan.

1 Mga Cronica 16:8

Magpasalamat kamo sa Kagurangnan, mag-apod sa saiyang ngaran; an saiyang mga gibo irukyaw nindo sa mga banwaan!

1 Mga Cronica 24:3

Sa tabang ni Zadok na saro sa kapagarakian ni Eleazar, saka ni Ahimelec na saro sa kapagarakian ni Itamar, pinaggrupo-grupo ni David an kapagarakian ni Aaron sosog sa saindang mga katongdan nin paglingkod.

1 Mga Cronica 25:1

Pinili ni David asin kan mga lider kan mga Levita an mga Levitang kamaganakan ni Asaf, ni Heman, saka ni Jedutun, tanganing mangenot sa mga gawe nin pagsamba. Sinda an mapahayag kan mga mensahe nin Dios, na sinasabayan kan musika nin mga arpa asin mga gimbal. Iyo ini an lista kan mga tawong pinili na mangenot sa pagsamba, asin an trabaho na gigibohon kan saindang grupo:

1 Mga Cronica 6:31

Iyo ini an mga lalaki na pinapamahala ni Hadeng David kan musika duman sa lugar na pagsasambahan sa Jerusalem kan yaon na duman an Kaban nin Tipan.

Esdras 3:10

Kan ibugtak kan mga paratugdok an pundasyon kan Templo nin Kagurangnan, an mga padi na nakasulot kan gubing na pangpadi saka may kapot na mga trumpeta, an mga Levita asin an kamaganakan ni Asaf nagpaenotan na may darang mga gimbal, tanganing omawon an Kagurangnan sosog sa katukdoan ni David na hade nin Israel.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Salmo 103:2

Kalag ko, mag-omaw ka sa Kagurangnan; an gabos niyang balaog dai mo paglingawan.

Salmo 105:5

Kamong kapagarakian ni Abraham na sorogoon nin Dios; kamong kapagarakian ni Jacob na saiyang pinili; giromdomon nindo an mga ginibo niyang ngangalasan, an mga milagro, asin an mga itinaram niyang mga sentensya.

Salmo 106:48

Pag-omawon an Kagurangnan, an Dios nin Israel, ngunyan asin sagkod pa man! Gabos na banwaan magsabing, “Amen!” Omawon an Kagurangnan!

Salmo 37:1

Dai ka mahadit huli kan tampalasan; dai ka maara sa mga naggigibo nin karatan.

Salmo 70:1

O Dios, ligtasan ako! Kagurangnan, paghumare sa pagtabang sako!

Salmo 72:18

Pag-omawon an Kagurangnan, an Dios nin Israel! Siya sana an naggigibo nin makangangalas na mga bagay.