1 Mga Cronica 16:38 - Marahay na Bareta Biblia

³⁸ Tatabangan sinda ni Obed-edom na aking lalaki ni Jedutun, kaiba an sesenta y otsong lalaki na kaayon sa saiyang kamaganakan. Si Hosa asin si Obed-edom iyo an mabantay kan mga trangkahan.

1 Mga Cronica 16:38 ပူးပေါင်းရင်းမြစ်များ

2 Samuel 6:10

Kaya dai na dinara ni David sa Jerusalem an Kaban nin Tipan; iwinalat niya ini sa harong ni Obed Edom, na taga Gat.

2 Mga Hade 7:10

Kaya binayaan ninda an kampo kan Siria, nagbalik sa Samaria asin nagkurahaw sa mga bantay kan mga trangkahan, “Nagduman kami sa kampo kan mga Siro asin mayo kaming inabotan na tawo duman o nadangog na tingog. Mayo kaming nahiling kundi an mga kabayo asin mga asno na nagkakagarakod, asin an mga tolda siring kan bayaan ini.”

1 Mga Cronica 13:14

Nagdanay duman an Kaban nin Tipan sa laog nin tolong bulan, asin benendisyonan nin Kagurangnan an pamilya ni Obed-edom saka an gabos na pagsadiri niya.

1 Mga Cronica 25:3

An anom na aking lalaki ni Jedutun: si Gedalias, Zeri, Jesaias, Simei, Hasabias, asin Matitias. Sa pamamayo kan saindang ama, ibinalangibog ninda an mensahe nin Dios, na sinasabayan kan musika nin mga arpa sa pagpasalamat asin pag-omaw sa Kagurangnan.

1 Mga Cronica 26:10

Gikan sa kamaganakan ni Merari, napili si Hosa na igwa nin apat na aking lalaki. An mga ini iyo si Simri (siya an ginibong pamayo kan saiyang ama, maski bako man siya an matuang aki),