1 Mga Cronica 16:29 - Marahay na Bareta Biblia

²⁹ Itao sa Kagurangnan an kamurawayan na maninigo sa saiyang ngaran; magdara nin dolot asin magdolok sa saiya! Sambahon nindo an Kagurangnan sa saiyang pagdatong.

1 Mga Cronica 16:29 ပူးပေါင်းရင်းမြစ်များ

1 Mga Cronica 16:28

Itao nindo sa Kagurangnan, O mga pamilya nin mga banwaan, itao nindo sa Kagurangnan an kamurawayan asin kosog.

1 Mga Cronica 16:30

Magtakig sa saiyang atubang an bilog na kinaban! An kinaban masarig na pinamugtak asin dai nanggad mahihiro.

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

Salmo 100:4

Lumaog sa saiyang mga trangkahan na may pasalamat, dumuman sa saiyang mga patyo na may pag-omaw. Pasalamatan siya asin omawon an saiyang ngaran!

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 29:1

Mga langitnon na linalang, itao nindo sa Kagurangnan; kamurawayan asin kapangyarihan itao sa Kagurangnan.

Salmo 29:2

Itao sa Kagurangnan an kamurawayan nin saiyang ngaran; sambahon an Kagurangnan sa saiyang pagdatong.

Salmo 50:2

An Dios nagliliwanag hale sa Sion, an syudad na tunay na ladawan nin kagayonan.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 72:15

Mabuhay an hade! Itao logod saiya an bulawan nin Sheba; sa gabos na panahon ipamibi logod siya; an bendisyon nin Dios magdanay logod saiya!

Salmo 95:2

Dumolok kita sa saiyang atubang na may pasalamat; sa kaogmahan mag-awit kita saiya nin mga awit nin pag-omaw!

Salmo 96:6

Omaw asin kamahalan yaon sa saiyang atubang; kosog asin gayon yaon sa saiyang santwaryo.

Salmo 96:7

Itao nindo sa Kagurangnan, O mga pamilya nin mga banwaan, itao nindo sa Kagurangnan an kamurawayan asin kosog.

Salmo 96:9

Sambahon nindo an Kagurangnan sa saiyang pagdatong; magtakig sa saiyang atubang an bilog na kinaban!

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Ezekiel 24:25

Nagtaram an Kagurangnan, “Ngunyan, aki nin tawo, hahaleon ko sa sainda an pusog na Templo, an saindang kaogmahan asin orgulyo, an nawiwilihan kan saindang mga mata saka kaogmahan kan saindang mga puso. Hahaleon ko man an saindang mga aking lalaki saka babae.

Ezekiel 7:20

Kaidto ipinag-orgulyo ninda an saindang magagayon na mga alahas, alagad an mga iyan ginamit ninda sa paggibo nin makauuyam na mga ladawan. Kaya an mga bagay na iyan ginibo nin Kagurangnan na magin maati para sainda.

Kapahayagan 7:12

mantang nagsasabi, “Amen! Sa satong Dios an kaomawan, kamurawayan, kadonongan, pasasalamat, paggalang, kapangyarihan asin kakosogan sagkod pa man! Amen!”

1 Samuel 6:5

Kaya kaipuhan maggibo kamo nin mga porma kan mga tumor asin kan mga kino na nagraot kan saindong daga, dangan omawon nindo an Dios nin Israel; tibaad paontokon na niya an pagpadusa saindo, sa saindong mga dios asin sa saindong daga.