1 Mga Cronica 16:14 - Marahay na Bareta Biblia

¹⁴ An Kagurangnan iyo an satuyang Dios; an mga pagboot niya para sa bilog na kinaban.

1 Mga Cronica 16:14 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

1 Mga Cronica 16:12

Kamong kapagarakian ni Abraham na sorogoon nin Dios. Kamong kapagarakian ni Jacob na pinili nin Dios; giromdomon nindo an mga ginibo niyang ngangalasan, an mga milagro, asin an mga paghukom na saiyang itinao.

1 Mga Cronica 16:15

An saiyang tipan ginigiromdom niya sagkod pa man, an saiyang pagboot para sa rinibong henerasyon;

Salmo 100:3

Midbidon mo na an Kagurangnan iyo an Dios! Linalang niya kita, asin sadiri niya; kita an saiyang banwaan, mga karnero na saiyang ataman.

Salmo 118:28

Ika an sakong Dios, asin papasalamatan taka; ipagrurukyaw ko an saimong kadakulaan.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Salmo 95:7

Huli ta siya an satong Dios; kita an banwaan na saiyang inaataman, an mga karnero na saiyang pinapakakan. Hinanyoga nindo ngunyan an saiyang tingog!

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Isaias 26:9

Sa bilog kong puso, hinihidaw taka pagkabanggi; sa saimong paghukom sa daga asin sa mga tawo diyan, an hustisya saindang manonodan.