1 Mga Cronica 16:12 - Marahay na Bareta Biblia

^12-13 Kamong kapagarakian ni Abraham na sorogoon nin Dios. Kamong kapagarakian ni Jacob na pinili nin Dios; giromdomon nindo an mga ginibo niyang ngangalasan, an mga milagro, asin an mga paghukom na saiyang itinao.

1 Mga Cronica 16:12 ပူးပေါင်းရင်းမြစ်များ

1 Mga Cronica 16:14

An Kagurangnan iyo an satuyang Dios; an mga pagboot niya para sa bilog na kinaban.

Salmo 103:2

Kalag ko, mag-omaw ka sa Kagurangnan; an gabos niyang balaog dai mo paglingawan.

Salmo 111:4

Ipinapagiromdom niya an makangangalas niyang mga gibo; maugayon an Kagurangnan asin maheherakon.

Salmo 119:13

Sa makosog na tingog sakong ipapahayag an gabos mong togon.

Salmo 119:137

Kagurangnan, ika matanos, asin an saimong mga katogonan matanos.

Salmo 119:20

An sakong puso pano nin kapungawan para sa saimong mga pagboot sa gabos na panahon.

Salmo 119:75

Aram kong matanos an saimong mga hatol, Kagurangnan, asin sa kaimbodan ako saimong pinadusahan.

Salmo 19:9

Marahay an paggalang sa Kagurangnan; magdadanay iyan sagkod lamang. Totoo an mga hatol nin Kagurangnan; matanos an gabos na iyan.

Salmo 77:11

Gigiromdomon ko an mga gibo nin Kagurangnan; gigiromdomon ko an saimong mga ngangalasan kaidto.

Salmo 78:43

kan gibohon niya an saiyang mga ngangalasan sa Egipto, an saiyang mga milagro sa kapatagan nin Zoan.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!

Kapahayagan 16:7

Dangan nadangog kong nagsabi an sarong tingog hale sa altar, “Kagurangnan, Dios na Makakamhan, totoo saka matanos nanggad an saimong mga paghukom!”

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”