1 Mga Cronica 15:3 - Marahay na Bareta Biblia

³ Kaya tinipon ni David sa Jerusalem an bilog na Israel tanganing darahon an Kaban nin Tipan sa lugar na inandam niya para digdi.

1 Mga Cronica 15:3 ပူးပေါင်းရင်းမြစ်များ

2 Samuel 6:12

Naaraman ni Hadeng David na huli kan Kaban nin Tipan, benendisyonan nin Kagurangnan an pamilya ni Obed Edom asin an gabos na pagsadiri niya; kaya nagduman si David sa harong ni Obed Edom asin kinua an Kaban nin Tipan dangan dinara sa Jerusalem; nagkaigwa sinda nin dakulang selebrasyon.

2 Samuel 6:17

An Kaban nin Tipan nin Kagurangnan dinara ninda asin ibinugtak sa sadiri kaining lugar sa laog kan tolda na pinatindog ni David. Pakatapos, nagdolot si David nin mga tinutong na atang asin dolot para sa katoninongan sa Kagurangnan.

1 Mga Hade 8:1

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin mga lider kan mga kamaganakan kan banwaan nin Israel tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

1 Mga Cronica 13:2

Dangan nagpahayag siya sa bilog na banwaan nin Israel, “Kun pagmarahayon nindo, asin kun kabotan nin Kagurangnan na satuyang Dios, pasugoan ta an satuyang iba pang kahimanwa asin an mga padi saka an mga Levita na nasa saindang mga banwaan, dangan sabihan ta na magtiripon digdi sa kaibahan nyato.

1 Mga Cronica 13:5

Kaya tinipon ni David an bilog na Israel, magpoon sa pagdolonan kan Egipto sa habagat, sagkod sa Dalan nin Hamat sa amihan, tanganing kuahon an Kaban nin Tipan sa Kiriat-jearim asin darahon sa Jerusalem.

1 Mga Cronica 15:1

Nagpatugdok si David nin mga harong para saiya duman sa Syudad ni David. Nag-andam man siya nin sarong lugar para sa Kaban nin Tipan nin Dios, asin nagpatugdok nin sarong tolda para digdi.

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

1 Mga Cronica 16:1

An Kaban nin Tipan nin Dios dinara ninda sa tolda na inandam ni David. Ibinugtak ninda duman an Kaban nin Tipan, dangan nagdolot sinda sa Dios nin mga tinutong na atang saka mga dolot para sa katoninongan.

2 Mga Cronica 1:2

Pinagbotan ni Solomon an bilog na Israel, an mga opisyal nin rinibo asin nin ginatos na mga soldados, an mga hukom asin an gabos na pamayo nin mga pamilya

2 Mga Cronica 1:4

Alagad nasa Jerusalem an Kaban nin Tipan, sa sarong tolda na itinugdok ni Hadeng David, kan darahon niya an Kaban nin Tipan hale sa Kiriat-jearim.)

2 Mga Cronica 5:2

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin an mga lider kan mga kamaganakan kan banwaan nin Israel, tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

Exodo 40:20

Dangan kinua niya an duwang tablang gapo asin ilinaog sa Kaban nin Tipan. Isinurok niya an mga pasanan sa mga siningsing kan Kaban asin tinakopan ini.

Levitico 9:5

Dinara ninda ini gabos sa atubangan kan Tabernakulo siring sa ipinagboot sainda ni Moises, asin an bilog na Israel nagtiripon duman tanganing sambahon an Kagurangnan.