1 Mga Cronica 15:28 - Marahay na Bareta Biblia

²⁸ Sa siring na paagi, an Kaban nin Tipan dinara sa Jerusalem kan gabos na Israelita. Nagkurahaw sinda gabos sa kaogmahan, kasabay an tanog kan mga trompeta, asin kan mga gimbal, saka an makosog na musika kan mga arpa asin lira.

1 Mga Cronica 15:28 ပူးပေါင်းရင်းမြစ်များ

2 Samuel 6:15

Sa siring na paagi, an Kaban nin Tipan dinara sa Jerusalem ni David asin kan bilog na Israel na nagkukurahaw sa kaogmahan asin nagpapatanog kan mga trompeta.

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

1 Mga Cronica 13:8

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Dios. Nagturugtog sinda nin mga lira, mga arpa, mga tamborin, mga gimbal, asin mga trompeta.

1 Mga Cronica 15:16

Pinagbotan man ni David an mga lider kan mga Levita na ibugtak an iba nindang tugang tanganing mag-awit asin magtugtog nin maogmang musika sa mga arpa, lira saka gimbal.

1 Mga Cronica 15:27

Gubing na purong lino an sulot ni David; siring man an gubing kan mga paratugtog, ni Kenanias na parapamahala kan mga paratugtog asin kan mga Levita na nagdadara kan Kaban nin Tipan. Nakasulot si David nin efod na lino.

1 Mga Cronica 15:29

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul, asin nahiling niya si Hadeng David na nagsasayaw saka naglulukso sa kaogmahan; nauyam si Mical ki Hadeng David.

1 Mga Cronica 25:1

Pinili ni David asin kan mga lider kan mga Levita an mga Levitang kamaganakan ni Asaf, ni Heman, saka ni Jedutun, tanganing mangenot sa mga gawe nin pagsamba. Sinda an mapahayag kan mga mensahe nin Dios, na sinasabayan kan musika nin mga arpa asin mga gimbal. Iyo ini an lista kan mga tawong pinili na mangenot sa pagsamba, asin an trabaho na gigibohon kan saindang grupo:

Nehemias 12:27

Kan ikonsagra an kudal kan syudad nin Jerusalem, ipinaapod an gabos na Levita sa manlaen-laen na lugar na saindang pinag-eerokan tanganing makaiba sa selebrasyon na pano nin kaogmahan asin pasasalamat, kaiba an mga awit sa tanog nin mga gimbal, mga arpa, saka mga lira.

Salmo 47:6

Mag-awit kamo nin mga pag-omaw sa Dios! Mag-awit kamo nin mga pag-omaw sa satong hade!

Salmo 68:25

An mga paraawit nasa enotan, an mga musiko nasa hudyan, an mga babaeng nagtutugtog nin tamborin nasa pagultanan.