1 Mga Cronica 15:26 - Marahay na Bareta Biblia

²⁶ Nag-atang sinda nin pitong torong baka asin pitong karnero tanganing tabangan nin Dios an mga Levita sa pagdara kan Kaban nin Tipan.

1 Mga Cronica 15:26 ပူးပေါင်းရင်းမြစ်များ

2 Samuel 6:13

Pakalakaw nin anom na lakad kan mga nagdadara kan Kaban nin Tipan, pinaontok sinda ni David, dangan nagdolot siya sa Kagurangnan nin sarong torong baka asin sarong pinatabang ogbon nin baka.

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Ezekiel 45:23

Aroaldaw, sa laog kan pitong aldaw kan pyesta, madolot siya nin pitong torilyong baka saka pitong karnero na gabos mayo nin kaninan, bilang mga tinutong na atang para sa Kagurangnan. Madolot man siya aroaldaw nin sarong lalaking kanding bilang dolot para sa kasalan.

Mga Bilang 23:29

Nagsabi saiya si Balaam, “Igibo mo ako digdi nin pitong altar asin darahan mo ako nin pitong torong baka saka pitong lalaking karnero.”

Mga Bilang 29:32

Sa ikapitong aldaw, magdolot kamo nin pitong torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

Mga Gibo 26:22

Alagad sagkod sa aldaw na ini tinabangan ako nin Dios, kaya uya ako digdi nagpapatotoo sa gabos na tawo—sadit man o dakula. Mayo ako nin ibang sinasabi kundi an mga sinabi kan mga propeta saka ni Moises na mangyayari:

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

2 Corinto 3:5

Mayo kami nin anoman na kakayahan na masasabi nyamo na hale samuya, huli ta an samong kakayahan gikan sa Dios.

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”