1 Mga Cronica 15:2 - Marahay na Bareta Biblia

² Dangan nagsabi si David, “An mga Levita sana iyo an makakapagdara kan Kaban nin Tipan, huli ta sinda an pinili nin Kagurangnan na magdara kaiyan asin maglingkod saiya sagkod pa man.”

1 Mga Cronica 15:2 ပူးပေါင်းရင်းမြစ်များ

2 Samuel 6:13

Pakalakaw nin anom na lakad kan mga nagdadara kan Kaban nin Tipan, pinaontok sinda ni David, dangan nagdolot siya sa Kagurangnan nin sarong torong baka asin sarong pinatabang ogbon nin baka.

2 Mga Cronica 35:3

Hinulitan niya an mga Levita, an mga paratukdo nin Israel, na kinonsagra para sa Kagurangnan. Sinabihan niya sinda, “An banal na Kaban nin Tipan ibugtak nindo sa Templo na ipinatugdok ni Solomon na aki ni David. Dai na nindo iyan pagparadarahon sa manlaen-laen na lugar, kundi paglingkodan nindo an Kagurangnan na saindong Dios asin an Israel na saiyang banwaan.

Exodo 25:14

asin isurok sa mga siningsing na nasa duwang gilid kan Kaban.

Isaias 66:21

An iba sa mga tawong ini gigibohon kong mga padi asin mga Levita.

Mga Bilang 3:6

“Darahon mo digdi an tribu ni Levi, dangan italaga mo sinda bilang mga katabang ni Aaron na padi.

Mga Bilang 3:9

An katongdan sana kan mga Levita iyo an maglingkod ki Aaron saka sa mga aki niya.

Mga Bilang 7:9

Dai niya tinawan nin ano man an mga aki ni Kohat huli ta an katongdan na itinao sainda iyo an pangataman kan mga sagradong bagay na kaipuhan pasanon ninda.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Josue 3:3

dangan nagsabi sa mga tawo, “Kun mahiling nindo an mga padi na dara an Kaban nin Tipan nin Kagurangnan na saindong Dios, tiriklopon na nindo an saindong mga tolda asin magsunod kamo sainda.

Josue 6:6

Inapod ni Josue an mga padi dangan sinabihan, “Kuahon nindo an Kaban nin Tipan asin magpaenotan an pito saindo na may darang mga trompeta.”