1 Mga Cronica 15:16 - Marahay na Bareta Biblia

¹⁶ Pinagbotan man ni David an mga lider kan mga Levita na ibugtak an iba nindang tugang tanganing mag-awit asin magtugtog nin maogmang musika sa mga arpa, lira saka gimbal.

1 Mga Cronica 15:16 ပူးပေါင်းရင်းမြစ်များ

1 Mga Cronica 13:8

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Dios. Nagturugtog sinda nin mga lira, mga arpa, mga tamborin, mga gimbal, asin mga trompeta.

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

1 Mga Cronica 16:42

Si Heman saka si Jedutun iyo an mamahala kan mga trompeta, mga gimbal asin iba pang mga instrumento na gagamiton para sa mga banal na awit. An mga aking lalaki ni Jedutun iyo an mamamahala kan mga trangkahan.

1 Mga Cronica 16:5

Si Asaf an ibinugtak na pamayo, asin si Zacarias bilang saiyang katabang. Si Jeiel, Semiramot, Jehiel, Matitias, Eliab, Benaias, Obed-edom, asin Jeiel iyo an matugtog kan mga arpa asin lira, mantang si Asaf iyo an mapatanog kan mga trompeta sa atubangan kan Kaban nin Tipan.

1 Mga Cronica 23:5

an kwatro mil ginibo niyang mga bantay kan mga trangkahan; saka an kwatro mil ginibo niyang mga parakanta nin kaomawan sa Kagurangnan, na gamit an mga instrumento na ginibo niya para sa katuyohan na iyan.

1 Mga Cronica 6:16

An mga aking lalaki ni Levi iyo si Gerson, Kohat, asin Merari.

2 Mga Cronica 20:19

An mga Levita na kaayon sa mga kamaganakan ni Kohat saka ni Kora nagtirindog saka nagkurahaw nin makosog sa pag-omaw sa Kagurangnan, an Dios nin Israel.

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

2 Mga Cronica 7:6

Nagtirindog an mga padi sa lugar na ipinanongod sainda, asin nakatindog na atubang sainda an mga Levita, na nag-omaw sa Kagurangnan sa paagi kan saindang mga instrumento dangan inawit ninda an imnong, “An Saiyang Pagkamoot Mayo Nin Kataposan,” sosog sa ipinagibo sainda ni David. Pinatanog kan mga padi an mga trompeta mantang nakatindog an gabos na tawo.

Nehemias 12:27

Kan ikonsagra an kudal kan syudad nin Jerusalem, ipinaapod an gabos na Levita sa manlaen-laen na lugar na saindang pinag-eerokan tanganing makaiba sa selebrasyon na pano nin kaogmahan asin pasasalamat, kaiba an mga awit sa tanog nin mga gimbal, mga arpa, saka mga lira.

Nehemias 12:36

Kasunod ni Zacarias an iba pang kaayon kan saiyang kamaganakan na iyo si Semaias, Azarel, Milalai, Gilalai, Maai, Netanel, Juda, asin Hanani, na gabos igwa nin darang instrumento sa pagtugtog arog kan mga ginamit ni Hadeng David, an sorogoon nin Dios. An namayo kan grupong ini iyo si Esdras, na paratukdo kan Katogonan.

Nehemias 12:43

Kan aldaw na idto, nagdolot sinda nin mga sakripisyo asin nag-ogma huli ta tinawan sinda nin Dios nin labi-labing kaogmahan. Nag-ogma man an mga babae asin an mga aki. An ribok kan saindang pag-ogma nadangog maski sa harayong lugar.

Nehemias 12:46

Magpoon kan panahon ni David saka ni Asaf, an mga parakanta iyo an nangenot sa mga awit nin pag-omaw saka pagpasalamat sa Dios.

Salmo 100:1

Bilog na kinaban, maogmang mag-awit ka sa Kagurangnan!

Salmo 149:3

Magsayaw sa kaomawan nin saiyang ngaran; mag-awit saiya sa tanog kan tamborin asin lira.

Salmo 150:5

Omawon siya sa mga gimbal, omawon sa matanog na mga gimbal.

Salmo 81:1

Mag-awit nin makosog sa Dios na satong parasurog; magkurahaw kita sa kaogmahan sa Dios ni Jacob!

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Salmo 87:7

Sinda nagsasayaw asin nag-aawit, “An ginikanan kan gabos nyamong bendisyon yaon sa Sion.”

Salmo 95:1

Madya, awitan nyato an Kagurangnan; maogmang omawon ta an gapo nin satong kaligtasan!

Exodo 15:20

Si Miriam, an propetang tugang ni Aaron, nagkua kan saiyang tamborin, dangan nagsurunod saiya an gabos na kababaehan na nagtutugtog kan saindang mga tamborin asin nagsasayaw.

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Amos 6:5

Nawiwili kamong maggibo nin mga awit, arog ki David, dangan tinutugtog nindo iyan sa saindong mga arpa.

Mga Gibo 14:23

Nagbugtak si Pablo asin si Bernabe nin mga kamagurangan na mamamahala sa lambang simbahan. Pakapamibi saka pakaayuno ninda, idinusay ninda an mga ini sa pangataman kan Kagurangnan na tinutubod ninda.

2 Timoteo 2:2

An mga katukdoan na nadangog mong ipinahayag ko sa atubang nin dakul na saksi, itukdo mo man sa mga tawong masasarigan, na makakatukdo man sa iba.

Tito 1:5

Iwinalat taka sa Creta tanganing husayon mo an mga bagay na dapat pang husayon, asin magbugtak nin mga lider sa lambang banwaan siring sa ipinagboot ko saimo.