1 Mga Cronica 15:13 - Marahay na Bareta Biblia

¹³ Huli ta bako kamo an nagdara kaiyan kan enot, pinadusahan kita nin Kagurangnan na satong Dios dahelan ta dai nyato iyan inataman sa paagi na saiyang ipinagboot.”

1 Mga Cronica 15:13 ပူးပေါင်းရင်းမြစ်များ

2 Samuel 6:3

An Kaban nin Tipan kinua ninda sa harong ni Abinadab duman sa bulod, asin ilinunad ninda sa sarong bagong kariton. An mga aking lalaki ni Abinadab na si Uzza asin Ahio iyo an nag-aantabay kan kariton;

1 Mga Cronica 13:3

Dangan magduman kita asin kuahon ta an Kaban nin Tipan nin Dios, na napabayaan ta kan si Saul iyo an hade.”

1 Mga Cronica 15:2

Dangan nagsabi si David, “An mga Levita sana iyo an makakapagdara kan Kaban nin Tipan, huli ta sinda an pinili nin Kagurangnan na magdara kaiyan asin maglingkod saiya sagkod pa man.”

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Mga Bilang 7:9

Dai niya tinawan nin ano man an mga aki ni Kohat huli ta an katongdan na itinao sainda iyo an pangataman kan mga sagradong bagay na kaipuhan pasanon ninda.

1 Corinto 11:2

Inoomaw ko kamo huli ta danay nindo akong ginigiromdom saka sinusunod nindo an mga itinukdo ko saindo.

1 Corinto 14:40

An gabos dapat na gibohon nindo sa tama saka sa husay na paagi.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.