1 Mga Cronica 14:17 - Marahay na Bareta Biblia

¹⁷ Nakalakop an kabantogan ni David sa bilog na daga, asin ginibo nin Kagurangnan na matakot saiya an gabos na nasyon.

1 Mga Cronica 14:17 ပူးပေါင်းရင်းမြစ်များ

1 Mga Cronica 14:16

Ginibo ni David an ipinagboot saiya nin Dios, kaya napadulag niya an mga Filisteo magpoon sa Gibeon sagkod sa Gezer.

1 Mga Cronica 17:8

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

2 Mga Cronica 26:8

Nagtao nin buhis ki Uzzias an mga Ammonita, asin an saiyang ngaran nakalakop sagkod sa pagdolonan nin Egipto, huli ta siya nagin orog na mapangyari.

Salmo 18:44

Mga dayuhan nagduruko sa atubangan ko; kan madangog ninda ako, nagkuyog sinda sako.

Deuteronomio 11:25

Saen man kamo magduman sa dagang idto, gigibohon nin Kagurangnan na saindong Dios na matakot saindo an mga tawo, siring sa ipinanuga niya, asin mayo nin siisay man na makakapugol saindo.

Deuteronomio 2:25

Magpoon ngunyan na aldaw, gigibohon kong katakotan kamo kan gabos na tawo sa kinaban. Magtatarakig sa takot an siisay man na makadangog kan saindong ngaran.’

Josue 6:27

An Kagurangnan danay na kaibahan ni Josue, asin an dangog niya nakalakop sa bilog na daga.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.