1 Mga Cronica 14:12 - Marahay na Bareta Biblia

¹² Kan magdurulag an mga Filisteo, nagkawaralat an saindang mga dios-dios, kaya nagboot si David na suloon an mga ini.

1 Mga Cronica 14:12 ပူးပေါင်းရင်းမြစ်များ

2 Samuel 5:21

Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

2 Mga Hade 10:26

ilinuwas an banal na harigi na yaon duman, asin sinulo.

2 Mga Hade 19:18

Sinulo ninda an mga dios kan mga nasyon na iyan huli ta bako man idto mga dios, kundi mga ladawan na gibo sa kahoy saka gapo na pinorma kan mga kamot nin tawo.

1 Mga Cronica 14:11

Kaya nagduman si David sa Baal-perazim asin dinaog niya duman an mga Filisteo. Nagsabi si David, “Ginamit ako nin Dios tanganing maglusot sa hukbo kan kaiwal arog sa sarong baha.” Kaya an lugar na idto nginaranan Baal-perazim.

1 Mga Cronica 14:13

Dai nahaloy, sinalakay giraray kan mga Filisteo an kapantayan.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Exodo 32:20

Kinua niya an baka na ginibo kan mga tawo, tinunaw sa kalayo, pinulbos, sinalakan nin tubig dangan ipinainom sa mga Israelita.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.