1 Mga Cronica 13:5 - Marahay na Bareta Biblia

⁵ Kaya tinipon ni David an bilog na Israel, magpoon sa pagdolonan kan Egipto sa habagat, sagkod sa Dalan nin Hamat sa amihan, tanganing kuahon an Kaban nin Tipan sa Kiriat-jearim asin darahon sa Jerusalem.

1 Mga Cronica 13:5 ပူးပေါင်းရင်းမြစ်များ

2 Samuel 6:1

Tinipon giraray ni David an pinakamarahay na mga soldados sa Israel, na an bilang nag-abot sa treynta mil.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

2 Mga Hade 25:21

sa teritoryo nin Hamat. Duman sa Ribla, ipinahampak sinda kan hade saka ipinagadan. Kaya dinarang bihag an mga taga Juda sa luwas kan saindang daga.

1 Mga Cronica 13:4

Nag-oroyon an bilog na katiriponan, huli ta matanos an siring na kaisipan para sainda.

1 Mga Cronica 13:6

Si David asin an bilog na Israel nagduman sa Baala, o Kiriat-jearim, sa teritoryo nin Juda, tanganing kuahon an Kaban nin Tipan nin Dios, na inaapod sa ngaran nin Kagurangnan na nagtutukaw sa trono sa ibabaw kan mga kerubin.

1 Mga Cronica 15:3

Kaya tinipon ni David sa Jerusalem an bilog na Israel tanganing darahon an Kaban nin Tipan sa lugar na inandam niya para digdi.

Isaias 23:3

sa ibong kan dagat sa pagbakal nin trigo na itinanom sa Egipto asin sa pakipagnegosyo sa gabos na nasyon.

Jeremias 2:18

Ano an papakinabangon mo sa pagduman sa Egipto, tanganing mag-inom kan tubig kan Salog nin Nilo? Ano an papakinabangon mo sa pagduman sa Asiria, tanganing mag-inom kan tubig nin Eufrates?

Josue 9:17

Kaya nagralakaw an mga Israelita asin pakalihis nin tolong aldaw, nakaabot sinda sa mga syudad na pinag-eerokan kan mga tawong idto: sa Gibeon, Kefira, Beerot asin Kiriat-jearim.

1 Samuel 6:21

Kaya nagpadara sinda nin mga sugo sa mga taga Kiriat-jearim tanganing magsabi, “Ibinalik na kan mga Filisteo an Kaban nin Tipan. Magdigdi kamo asin kuahon nindo ini.”

1 Samuel 7:1

Kaya nagduruman an mga taga Kiriat-jearim asin kinua ninda an Kaban nin Tipan. Dinara ninda ini sa harong ni Abinadab, na nag-erok sa sarong bulod. Kinonsagra ninda an aki niyang lalaki na si Eleazar tanganing iyo an mangataman kan Kaban nin Tipan nin Kagurangnan.

1 Samuel 7:2

Nag-ontok sa Kiriat-jearim an Kaban nin tipan nin Kagurangnan sa halawig na panahon, mga beynteng taon. Sa panahon na idto, nag-agrangay sa Kagurangnan an gabos na Israelita.