1 Mga Cronica 13:10 - Marahay na Bareta Biblia

¹⁰ Naanggot an Kagurangnan ki Uzza kaya ginadan niya ini huli ta kinapotan kaini an Kaban. Nagadan duman si Uzza sa atubangan nin Dios.

1 Mga Cronica 13:10 ပူးပေါင်းရင်းမြစ်များ

1 Mga Cronica 13:11

Sagkod ngunyan, an lugar na idto inaapod Perez-uzza. Naanggot si David huli ta pinadusahan nin Kagurangnan si Uzza.

1 Mga Cronica 15:13

Huli ta bako kamo an nagdara kaiyan kan enot, pinadusahan kita nin Kagurangnan na satong Dios dahelan ta dai nyato iyan inataman sa paagi na saiyang ipinagboot.”

1 Mga Cronica 15:15

Pinasan kan mga lalaki an Kaban nin Tipan nin Dios sa paagi kan mga olayan, sosog sa ipinagboot nin Kagurangnan ki Moises.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Josue 6:6

Inapod ni Josue an mga padi dangan sinabihan, “Kuahon nindo an Kaban nin Tipan asin magpaenotan an pito saindo na may darang mga trompeta.”

1 Samuel 6:19

Ginadan nin Kagurangnan an setenta sa kalalakihan kan Bet-semes huli ta naghiling sinda sa laog kan Kaban nin Tipan. Nagmorondo an mga tawo duman huli ta dakul sainda an ginadan nin Kagurangnan.