1 Mga Cronica 12:8 - Marahay na Bareta Biblia

⁸ Sa tribu ni Gad, may bantog asin ekspertong mga soldados na nag-iba sa hukbo ni David kan ini nasa sarong bantayan sa desyerto. Mga eksperto sinda sa pagkapot nin kalasag saka garod; maiisog an mga lalawogon na garo sa leon, asin mga marikas arog kan mga usa.

1 Mga Cronica 12:8 ပူးပေါင်းရင်းမြစ်များ

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

2 Samuel 17:10

Kaya maski an pinakamaisog na mga lalaki na an puso siring sa puso nin sarong leon, matatakot huli ta an bilog na Israel nakakaaram na sarong dakulang soldados an saimong ama asin matitibay na mga lalaki an saiyang mga tawohan.

2 Samuel 2:18

Idtoon duman an tolong aking lalaki ni Zeruias na si Joab, Abisai, asin Asahel. Ining si Asahel marikas magdalagan siring sa sarong lalaw na usa.

2 Samuel 23:20

Si Benaias na aking lalaki ni Jehoiada na taga Kabzeel, saro man na bantog na soldados; nagpahiling siya nin dakul na gawe nin kaisogan. Ginadan niya an duwang dakulang paralaban na Moabita. Sarong aldaw sa panahon nin tiglipot, nagbaba siya sa sarong kalot asin nakagadan duman nin sarong leon.

1 Mga Cronica 11:16

Yaon kaidto si David sa sarong bantayan, asin sinakop na kaidto nin sarong grupo nin mga Filisteo an Betlehem.

1 Mga Cronica 11:22

Si Benaias, na aking lalaki ni Jehoiada na taga Kabzeel, saro man na bantog na soldados; nagpahiling siya nin dakul na gawe nin kaisogan. Ginadan niya an duwang dakulang paralaban na Moabita. Sarong aldaw sa panahon nin tiglipot, nagbaba siya sa sarong kalot asin nakagadan duman nin sarong leon.

1 Mga Cronica 12:16

Nagkapirang mga lalaki na gikan sa mga tribu ni Benjamin asin ni Juda an nagduman sa bantayan na namumugtakan ni David.

1 Mga Cronica 12:9

Si Ezer iyo an pamayo, ikaduwa si Obadias, ikatolo si Eliab,

2 Mga Cronica 25:5

Tinipon ni Amazias an mga lalaki sa Juda asin sa Benjamin sosog sa saindang mga kamaganakan. Nagbugtak siya nin mga opisyal na mga mamamayo nin rinibo saka mga ginatos na soldados. Kabilang digdi an mga lalaki na an edad beynteng taon paitaas, na an bilang uminabot sa tres syentos mil. Andam sinda gabos sa pakilaban, eksperto sa paggamit nin mga garod saka mga kalasag.

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Mga Talinhaga 6:5

iligtas mo an saimong sadiri arog kan gamgam o kan usang nagdudulag sa paraayam.

Awit nin mga Awit 8:14

Madya, sakong namomotan, maghidali ka siring sa usa, siring sa ogbon na usa sa kabukidan, saen nagtatalubo an mga pahamot.

Jeremias 46:9

Magdalagan kamo, mga kabayo asin mga karwahe. Magsalakay kamo, mga soldados: mga lalaking taga Etiopia saka Libya na may darang mga kalasag, asin kamong mga taga Lydia na eksperto sa pagpana.’”

1 Samuel 23:14

Nagtago si David sa kabubuldan, sa kalangtadan nin Zif. Padagos man si Saul sa paghingowa na makua siya, alagad dai siya itinao nin Dios ki Saul.

1 Samuel 23:29

Naghale duman si David asin nag-erok sa rehiyon nin Engedi.

1 Samuel 24:22

Nagsumpa si David. Dangan nagpuli si Saul, asin nagbalik man si David saka an saiyang mga kairiba sa saindang lugar na pinagtatagoan.