1 Mga Cronica 12:20 - Marahay na Bareta Biblia

²⁰ An mga soldados kan tribu ni Manases na nag-apil ki David pagbalik niya sa Ziklag iyo si Adna, Jozabad, Jediael, Miguel, Jozabad, Elihu, asin Zilletai. Sa tribu ni Manases, gabos sinda pamayo nin mga grupo nin manangribo katawo.

1 Mga Cronica 12:20 ပူးပေါင်းရင်းမြစ်များ

1 Mga Cronica 12:19

Nagkapirang mga lalaki na gikan sa tribu ni Manases an nag-apil ki David kan maglakaw siya kaiba an mga Filisteo tanganing labanan si Hadeng Saul. An katotoohan, dai man tinabangan ni David an mga Filisteo huli ta nagkatarakot an mga hade kaini ta tibaad ipasaluib sinda ni David sa saiyang dating kagurangnan na si Saul; kaya pinabalik ninda sa Ziklag si David.

1 Mga Cronica 12:21

Naglingkod sinda ki David bilang mga opisyal kan saiyang hukbo, huli ta gabos sinda mga bantog na soldados; nagin sindang mga opisyal sa hukbo kan mga Israelita.

1 Mga Cronica 8:20

Elienai, Zilleta, Eliel,

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Deuteronomio 1:15

Kaya linaen ko an pinili nindong mga madonong asin may kakayahan na mga lalaki sa saindong tribu, dangan ibinugtak ko sindang pamayo nindo. An iba namayo sa sangribong tawo, an iba sa sanggatos, an iba sa singkwenta asin an iba sa sampolo. Nagbugtak man ako nin ibang mga opisyal sa mga tribu.

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”

1 Samuel 29:11

Kaya amay na naghale si David asin an saiyang mga tawohan, tanganing magpuli sa daga kan mga Filisteo, asin nagpadagos an mga Filisteo pasiring sa Jezreel.

1 Samuel 29:3

Nahiling sinda kan mga pamayo kan mga Filisteo asin naghapot, “Ano an ginigibo digdi kan mga Hebreyong iyan?” Nagsimbag si Akis, “Iyo ini si David na sarong opisyal ni Saul na hade nin Israel. Haloy na siyang nasa kaibahan ko asin mayo akong nakukuang sala saiya poon kan magdolok siya sako.”

1 Samuel 29:4

Alagad naanggot ki Akis an mga pamayo kan mga Filisteo asin nagsabi, “Papulion mo na an lalaking iyan sa lugar na itinao mo saiya. Hare siya pagpaibaha ta tibaad kita an saiyang kalabanon mantang nagraralaban. Mayo nang pinakamarahay na paagi para sa saiya tanganing makipag-olian nin boot sa saiyang kagurangnan, kundi an kagadanan kan satong mga tawohan!