1 Mga Cronica 12:18 - Marahay na Bareta Biblia

¹⁸ Dangan an Espiritu nin Dios uminabot ki Amasai, na nagin pamayo kan “An Treynta,” asin nagsabi ini, “Saimo kami, O David; asin kaiba mo kami, O aki ni Jesse! an Katoninongan mapasaimo, asin sa mga nagtatabang saimo! Huli ta tinabangan ka kan saimong Dios.” Inako sinda ni David asin ginibong mga opisyal kan saiyang hukbo.

1 Mga Cronica 12:18 ပူးပေါင်းရင်းမြစ်များ

2 Samuel 15:21

Alagad nagsimbag si Ittai, “Mahal na hade, isinusumpa ko saimo sa ngaran kan buhay na Kagurangnan na danay akong maiba saimo minsan saen, sa buhay man o sa kagadanan.”

2 Samuel 17:25

Si Amasa an ibinugtak ni Absalom na pamayo kan hukbo embes na si Joab. Si Amasa, aking lalaki ni Jeter na Ismaelita; an saiyang ina iyo si Abigail na aki ni Nahas asin tugang ni Zeruias na ina ni Joab.)

2 Samuel 19:13

Tinugon man ni David an mga padi na sabihan si Amasa, “Kadugo taka. Poon ngunyan, ika an ibubugtak kong pamayo kan hukbo embes na si Joab. Gadanon logod ako nin Dios kun dai ko iyan gibohon!”

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Hade 9:22

An mga Israelita dai inoripon ni Solomon; naglingkod sinda saiya bilang mga soldados, mga opisyal, mga pamayo kan mga hukbo, mga kapitan nin mga karwahe, asin mga soldados na nakakabayo.

2 Mga Hade 10:15

Kan maghale si Jehu sa lugar na idto, nasabat niya si Jonadab na aking lalaki ni Recab na nagluwas sa pagsabat saiya. Kinomusta ni Jehu si Jonadab asin sinabihan, “Pareho an dalagan kan isip nyato. Tatabangan mo daw ako?” “Tatabangan taka,” an simbag ni Jonadab. “Kun siring, iabot mo sako an saimong kamot,” an sabi ni Jehu. Kaya inabot ni Jonadab an saiyang kamot, asin tinabangan siya ni Jehu sa paglunad sa karwahe.

2 Mga Hade 10:5

Kaya an namamahala kan palasyo asin kan syudad, kaiba an kamagurangan saka an mga paraataman kan mga aking lalaki kan hade nagpadara kan mensaheng ini ki Jehu: “Mga sorogoon mo kami. Anoman an sabihon mo gigibohon mi; alagad dai kami mabugtak nin hade. Giboha an pagmarahayon mo.”

2 Mga Hade 9:32

Nagtingkalag si Jehu asin nagkurahaw, “Siisay saindo an kakampi ko?” Nagdungaw an duwa o tolong opisyal sa palasyo,

1 Mga Cronica 11:11

Si Jasobeam, na kaayon sa kamaganakan ni Hacmon, iyo an pamayo kan “An Tolo.” Nakilaban siya sa paagi kan saiyang garod laban sa tres syentos na lalaki, na saiyang ginadan sa saro sanang pagralaban.

1 Mga Cronica 12:17

Nagluwas si David asin sinabat sinda dangan sinabihan, “Kun napadigdi kamo bilang mga katood sa pagtabang sako, inaako ko kamo. Alagad kun iniisip nindong ipasaluib ako sa akong mga kaiwal, maski mayo man ako nin sala, maiisihan iyan kan Dios nin satong mga ginikanan, asin papadusahan niya kamo.”

1 Mga Cronica 2:17

Naagom si Abigail ni Jeter na sarong Ismaelita. An saindang aki iyo si Amasa.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Zacarias 8:23

Sa mga aldaw na iyan, an sampolong dayuhan madolok sa sarong Judio dangan masabi, ‘Tugote kaming makiiba saindo, huli ta nadangog ming nasa saindo an Dios.’”

Mateo 12:30

“An bakong kampi sako, tumang sako; an dai nagtatabang sako sa pagtipon, nagwawarak.

Galacia 6:16

An katoninongan saka pagkaherak nin Dios mapasagabos na nag-ootob kaining pagsusundon—sa sainda asin sa bilog na banwaan nin Dios!

Hukom 13:25

Nagpoon na siyang hiroon kan Espiritu nin Kagurangnan mantang idtoon siya sa kampo ni Dan sa pagultanan kan Zora saka Estaol.

Hukom 3:10

Uminabot saiya an Espiritu nin Kagurangnan, asin siya an nagin lider nin Israel. Nakigera siya asin pinapanggana nin Kagurangnan laban sa hade nin Mesopotamia.

Hukom 6:34

Nagdatong ki Gideon an Espiritu nin Kagurangnan asin pinatanog niya an trompeta tanganing apodon an kalalakihan kan kamaganakan ni Abiezer na mag-iba saiya.

Ruth 1:16

Alagad nagsimbag si Ruth, “Dai mo ako pagsabihan na bayaan taka; tugote akong umiba saimo. Saen ka man magduman, maduman ako; saen ka man mag-erok, duman ako maerok. An saimong banwaan magigin banwaan ko, asin an saimong Dios magigin sakuyang Dios.

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”

1 Samuel 16:5

“Iyo,” an simbag ni Samuel. “Nagdigdi ako tanganing magdolot nin sakripisyo sa Kagurangnan. Maglinig kamo kan saindong sadiri asin mag-iba sako.” Sinabihan man niya si Jesse asin an mga aking lalaki kaini na maglinig kan saindang sadiri saka inalok niya sinda sa pagsakripisyo.

1 Samuel 22:7

Sinabihan ni Saul an saiyang mga opisyal, “Pagdangog kamo, mga Benjaminita! Sa paghona nindo, tatawan kamo gabos ni David nin mga oma asin mga ubasan, dangan gigibohon kamong mga opisyal sa saiyang hukbo?

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 24:13

Aram mo an suanoy na kasabihan, ‘An karatan minagikan sa maraot na tawo.’ Kaya dai ako matumang saimo.

1 Samuel 24:16

Pakasabi ni David kaini, nagsabi si Saul, “David, aki ko, ika mananggad iyan?” Dangan naghibi an hade.

1 Samuel 8:12

An iba sainda gigibohon niyang mga opisyal nin sangribo katawo, saka an iba mga opisyal nin singkwenta katawo. An iba gigibohon niyang mga paraarado saka paraani; an iba magigin paragibo nin mga armas sa gera, asin mga kagamitan para sa saiyang mga karwahe.