1 Mga Cronica 11:9 - Marahay na Bareta Biblia

⁹ Orog na kuminosog si David, huli ta kaibahan niya an Kagurangnan nin mga hukbo.

1 Mga Cronica 11:9 ပူးပေါင်းရင်းမြစ်များ

2 Samuel 3:1

Nagpadagos sa haloy na panahon an paglaban kan hukbo ni Saul asin kan hukbo ni David. Nagkosog an hukbo ni David, mantang nagluya an ki Saul.

2 Samuel 5:10

Orog na nagkosog si David, huli ta kaiba niya an Kagurangnan, an Dios nin mga hukbo.

1 Mga Cronica 11:8

Pinakarahay giraray ni David an syudad magpoon sa lugar na tinambakan nin daga sa sirangan na parte kan bulod, asin si Joab an naghirahay kan ibang kabtang kan syudad.

1 Mga Cronica 9:20

Minsan, nagin pamayo ninda si Finehas na aking lalaki ni Eleazar, na inibahan nin Kagurangnan.

Esther 9:4

Aram na kan bilog na imperyo na si Mardokeo saro nang mapangyaring tawo sa palasyo asin nag-oorog an saiyang kapangyarihan.

An Libro ni Job 17:9

An mga nagsasabing sinda iginagalang, orog na minatubod na sinda matanos.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?