1 Mga Cronica 11:5 - Marahay na Bareta Biblia

⁵ Nagsabi ki David an mga Jebuseo, “Dai ka makakalaog sa syudad.” Alagad nabihag ni David an bantayan nin Sion, asin nabantog ini sa ngaran na “Syudad ni David.”

1 Mga Cronica 11:5 ပူးပေါင်းရင်းမြစ်များ

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

2 Samuel 6:10

Kaya dai na dinara ni David sa Jerusalem an Kaban nin Tipan; iwinalat niya ini sa harong ni Obed Edom, na taga Gat.

2 Samuel 6:12

Naaraman ni Hadeng David na huli kan Kaban nin Tipan, benendisyonan nin Kagurangnan an pamilya ni Obed Edom asin an gabos na pagsadiri niya; kaya nagduman si David sa harong ni Obed Edom asin kinua an Kaban nin Tipan dangan dinara sa Jerusalem; nagkaigwa sinda nin dakulang selebrasyon.

1 Mga Hade 8:1

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin mga lider kan mga kamaganakan kan banwaan nin Israel tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

1 Mga Cronica 11:4

Nagduman sa Jerusalem si David asin an bilog na Israel; Jebus an ngaran kaidto kan Jerusalem, asin an mga Jebuseo iyo an mga nag-eerok duman.

1 Mga Cronica 11:6

Nagsabi si David, “An enot na makagadan nin sarong Jebuseo iyo an magigin pamayo kan hukbo!” Si Joab na aking lalaki ni Zeruias iyo an enot na nagsalakay, kaya siya an nagin pamayo.

1 Mga Cronica 11:7

Duman na nag-erok si David sa bantayan, kaya inapod idtong “Syudad ni David.”

2 Mga Cronica 5:2

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin an mga lider kan mga kamaganakan kan banwaan nin Israel, tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

Salmo 122:5

Duman ibinugtak an mga trono sa paghukom, an mga trono kan mga hade nin Israel.

Salmo 132:13

Huli ta an Sion pinili nin Kagurangnan; minawot niyang ini an magin saiyang erokan:

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 48:2

An Sion, an bukid nin Dios, halangkaw asin magayon; an Sion, syudad kan dakulang hade, iyo an kaogmahan kan bilog na daga.

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Salmo 87:2

namomotan nin Kagurangnan an syudad nin Jerusalem orog ki sa gabos na banwaan nin Israel.

Salmo 87:5

Sasabihon manongod sa Sion na kaayon digdi an gabos na nasyon, asin papakosogon siya nin Kahorohalangkawe.

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!

Roma 9:33

na nasasambit sa kasuratan, “Hilinga, nagbugtak ako sa Sion nin sarong gapo na masisingkogan nin mga tawo, sarong gapo na makakapatumba sainda. Alagad an siisay man na magtubod saiya, dai mapapasopog.”

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Kapahayagan 14:1

Dangan nahiling ko an Kordero na nagtitindog sa ibabaw kan Bukid nin Sion, kaiba an syento kwarenta y kwatro mil katawo; sa mga angog ninda nasusurat an ngaran kan Kordero saka an ngaran kan saiyang Ama.

Hukom 19:10

Alagad habo nang magpapugol an lalaki, kaya naglakaw na siya kaiba an kasaroan, an sorogoon asin an duwang asnong igwa nin kamadero. Nagbabanggi na pag-abot ninda sa lugar na harani sa Jebus (o Jerusalem), kaya nagsabi an sorogoon sa saiyang amo, “Digdi na ngona kita magpaaga sa syudad na ini kan mga Jebuseo.”

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.