1 Mga Cronica 11:23 - Marahay na Bareta Biblia

²³ Nakagadan man siya nin sarong Egipcio, sarong dakulang lalaki na masobra sa duwang metros an langkaw asin armado nin dakulang garod. Sinalakay ini ni Benaias na kapot an sarong sugkod, inagaw an garod sa kamot kan Egipcio asin ginadan ini kan sadiring garod.

1 Mga Cronica 11:23 ပူးပေါင်းရင်းမြစ်များ

1 Mga Cronica 11:24

Iyo ini an mga ginibo ni Benaias na kabilang sa “An Treynta.”

1 Mga Cronica 20:5

Nagkaigwa pa nin sarong gera laban sa mga Filisteo, asin nagadan ni Elhanan na aking lalaki ni Jair, si Lami na tugang na lalaki ni Goliat na taga Gat, na igwang garod na an tugod siring kadakula sa kahabaan nin sarong habolan.

Deuteronomio 3:11

An hadeng si Og iyo an natada sa mga Refaim. An saiyang kabaong, na gibo sa lansang, igwa nin sukol na haros duwang metro an lakbang asin apat na metro an laba sosog sa kinaugalean na sukol. Yaon pa ini sagkod ngunyan sa syudad nin Rabba sa daga kan mga Ammonita.)

1 Samuel 17:4

Nagluwas hale sa kampo kan mga Filisteo an sarong lalaking taga Gat, na an ngaran Goliat, asin inangat an mga Israelita. Haros tolong metros an langkaw niya;

1 Samuel 17:51

Nagdalagan si David pasiring ki Goliat, nagtindog sa likod kaini, hinugot sa sarongan an espada dangan pinugotan nin payo na iyo an ikinagadan kan Filisteo. Kan mahiling kan mga Filisteo na gadan na an saindang numero unong paralaban, nagdurulag sinda.

1 Samuel 17:7

na an tugod nakakaarog sa harigi nin habolan, asin an tarom na lansang may gabat na syete kilos. Nasa enotan niya an paradara kan saiyang kalasag.