1 Mga Cronica 11:2 - Marahay na Bareta Biblia

² Kaidto, maski kan si Saul iyo pa an hade, ika an namayo kan banwaan nin Israel sa gera; nanuga saimo an Kagurangnan na saimong Dios na ika an mangengenot kan saiyang banwaan asin magigin pamayo ninda.”

1 Mga Cronica 11:2 ပူးပေါင်းရင်းမြစ်များ

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

2 Samuel 7:7

Saen man ako magduman kaiba an banwaan nin Israel, dai pa lamang ako naghapot sa mga lider, na pinagbotan kong mangenot kan sakong banwaan, kun tadaw ta dai ninda ako ipinatugdok nin templong gibo sa sedro.’

1 Mga Hade 14:7

Bumalik ka asin sabihan mo si Jeroboam kan tataramon na ini para sa saiya kan Kagurangnan, an Dios nin Israel: ‘Pinili taka sa kadaklan, asin ginibong pamayo kan sakong banwaan na Israel.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

Salmo 78:71

hale sa pag-ataman kan saiyang mga hayop, tanganing magin pastor ni Jacob na saiyang banwaan, nin Israel na saiyang pamana.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 55:4

Ginibo ko siyang lider asin pamayo nin mga nasyon, dangan sa paagi niya ipinahiling ko sainda an sakong kapangyarihan.

Jeremias 3:15

Tatawan ko kamo nin mga pamayo na nagkukuyog sako, asin papamayohan ninda kamo na may kadonongan saka pakasabot.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mga Bilang 27:17

asin magboot sainda sa panahon nin gera, tanganing an saimong komunidad dai makaarog sa karnero na mayo nin pastor.”

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Juan 10:4

Pakapaluwasa niya, minaenot siya sainda, dangan minasunod saiya an mga karnero, huli ta midbid ninda an tingog niya.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 18:13

Kaya pinahale niya si David; dangan ginibo niyang pamayo nin sangribong soldados. Pinangenotan ni David an saiyang mga tawohan sa gera