1 Mga Cronica 11:17 - Marahay na Bareta Biblia

¹⁷ Napungaw si David asin nagsabi, “Kun igwa lamang kutanang makatao sako nin maiinom na tubig na hale sa bubon na nasa may trangkahan kan Betlehem!”

1 Mga Cronica 11:17 ပူးပေါင်းရင်းမြစ်များ

1 Mga Cronica 11:16

Yaon kaidto si David sa sarong bantayan, asin sinakop na kaidto nin sarong grupo nin mga Filisteo an Betlehem.

1 Mga Cronica 11:18

Kaya nangahas maglaog sa kampo kan mga Filisteo an tolong makokosog na soldados, nagharok nin tubig sa bubon na nasa may trangkahan kan Betlehem, dangan dinara ki David. Alagad dai idto ininom ni David, kundi, inula bilang sarong atang sa Kagurangnan.

Salmo 143:6

Iniitaas ko an mga kamot ko sa pagpamibi saimo; siring sa alang na daga, an kalag ko napapaha saimo.

Salmo 60:9

Siisay an madara sako sa pinapusog na syudad? Siisay an magiya sako pasiring sa Edom?

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Isaias 12:3

Sa kaogmahan, an mga tawo maharok nin tubig sa mga bubon nin kaligtasan.

Juan 4:10

Nagsimbag si Jesus, “Kun aram mo sana an balaog nin Dios asin kun siisay an naghahagad saimo nin inomon, ika kutana an mahagad saiya. Tatawan ka kutana niya kan tubig na nagtatao nin buhay.”

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”