1 Mga Cronica 11:14 - Marahay na Bareta Biblia

¹⁴ alagad dai siya naghiro sa saiyang natitindogan duman sa oma, kaiba an saiyang mga tawohan. Dai sinda naghale kundi nakilaban; ginadan ninda an mga Filisteo. Sarong dakulang kapangganahan an itinao sainda kan Kagurangnan.

1 Mga Cronica 11:14 ပူးပေါင်းရင်းမြစ်များ

2 Samuel 23:10

alagad dai naghiro si Eleazar; linabanan niya an mga Filisteo sagkod na panluyahon an saiyang kamot asin dai na niya nabubutasan an saiyang espada. Dakulang kapangganahan an ipinahiling nin Kagurangnan kan aldaw na idto. Pakatapos kan ralaban, nagbalik an mga Israelita sa namumugtakan ni Eleazar tanganing hurubaan kan gubing sa pakilaban an mga nagkagaradan.

2 Mga Hade 5:1

Si Naaman, an pamayo kan hukbo nin Siria, sarong dakulang lalaki na nawiwilihan kan hade nin Siria, huli ta sa paagi ni Naaman itinao nin Kagurangnan an kapangganahan sa Siria. Saro siyang maisog na soldados, alagad may nakakatakot siyang helang sa kublit.

1 Mga Cronica 11:13

Kaiba siya ni David sa pakilaban sa mga Filisteo duman sa Pas-dammim. Yaon siya duman sa sarong oma nin sebada kan magdurulag an mga Israelita;

1 Mga Cronica 11:15

Sarong aldaw, tolo sa treyntang mga namamayong soldados an nagduman sa sarong gapo, saen nag-ontok si David sa may Lungib nin Adullam, mantang nagkakampo an sarong grupo nin mga Filisteo sa Kapantayan nin Refaim.

Salmo 144:10

Tinatawan mo nin kapangganahan an mga hade asin iliniligtas mo an saimong sorogoon na si David.

Salmo 18:50

Darakulang panggana itinatao niya sa saiyang hade, danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

Mga Talinhaga 21:31

Pwedeng iandam an mga kabayo para sa ralaban, alagad an Kagurangnan iyo an minatao nin kapangganahan.

1 Samuel 14:23

asin nakilaban sagkod sa ibong kan Bet-aven. Kan aldaw na idto, ilinigtas nin Kagurangnan an Israel.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”