1 Mga Cronica 10:4 - Marahay na Bareta Biblia

⁴ Sinabihan ni Saul an paradara kan saiyang mga armas, “Hugkota an saimong espada asin gadana ako tanganing dai ako pag-olog-ologon kan bakong serkomsisyonadong mga Filisteong ini. Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.

1 Mga Cronica 10:4 ပူးပေါင်းရင်းမြစ်များ

2 Samuel 1:20

Dai nindo ini ipagbuyagyag sa Gat o sa mga dalan nin Askelon; tibaad mag-orogma an mga aking babae kan mga Filisteo, tibaad mag-orogma an mga aking babae kan mga pagano.

2 Samuel 1:6

Nagsimbag an lalaki, “Nangyari na yaon ako duman kaidto sa itaas kan Bukid nin Gilboa; nahiling ko si Saul na nakasandig sa saiyang garod asin napapalibotan na siya kan mga karwahe saka mga nakakabayong kaiwal.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

1 Mga Hade 16:18

Kan mahiling ni Zimri na nasakop an syudad, nagduman siya sa bantayan kan palasyo, sinulo an palasyo asin nagadan siya sa kalayo.

1 Mga Cronica 10:3

Nagin mangirhat an ralaban sa palibot ni Saul, asin natamaan siya kan mga parapana.

1 Mga Cronica 10:5

Kan mahiling kan paradara nin armas na gadan na si Saul, dinapaan man niya an tarom kan saiyang espada asin nagadan.

Mga Gibo 1:18

An bayad sa saiyang pagpasaluib ibinakal ni Judas nin oma, saen naghugot siya; puminutok an saiyang tulak asin nawawa an saiyang bituka.

Mga Gibo 16:27

Nagimata an bantay, dangan kan mahiling niyang bukas an gabos na pintoan kan bilanggoan, naghona siya na nagdurulag na an gabos na bilanggo; kaya hinugkot niya an saiyang espada ta boot niyang maghugot.

Hukom 15:18

Dangan nakamate si Samson nin labi-labing paha, kaya nag-apod siya sa Kagurangnan, “Itinugot mo na manggana ako, alagad ngunyan itutugot mo daw na magadan sana ako sa paha asin madakop kan mga bakong sirkomsisyonado?”

Hukom 16:21

Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.

Hukom 9:54

Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.

1 Samuel 31:4

Sinabihan ni Saul an paradara kan saiyang mga armas, “Hugkota an saimong espada asin gadana ako, tanganing dai ako pag-olog-ologon kan bakong sirkomsisyonadong mga Filisteong ini.” Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.