1 Mga Cronica 10:1 - Marahay na Bareta Biblia

¹ Nakilaban an mga Filisteo sa mga Israelita sa Bukid nin Gilboa. Dakul na Israelita an nagkagaradan duman. Nagdurulag an iba sainda na kairiba si Hadeng Saul asin an mga aki niyang lalaki.

1 Mga Cronica 10:1 ပူးပေါင်းရင်းမြစ်များ

2 Samuel 1:21

“Mayo logod nin uran o ambon na maghugpa sa kabubuldan nin Gilboa; danay logod na mayong magtalubo sa saiyang kaomahan! Huli ta nadigtaan duman an kalasag kan maiisog; an kalasag ni Saul dai na nagkikinang sa lana.

2 Samuel 1:6

Nagsimbag an lalaki, “Nangyari na yaon ako duman kaidto sa itaas kan Bukid nin Gilboa; nahiling ko si Saul na nakasandig sa saiyang garod asin napapalibotan na siya kan mga karwahe saka mga nakakabayong kaiwal.

2 Samuel 21:12

nagduman siya asin kinua niya sa mga taga Jabes sa Gilead an mga tolang ni Saul saka ni Jonatan na aki ni Saul. Sinda an naghabon kan mga bangkay ni Saul asin ni Jonatan na binitay kan mga Filisteo sa plasa nin Betsan kan aldaw na magadan ninda si Saul sa Bukid nin Gilboa.

1 Mga Cronica 10:8

Sunod na aldaw, kan magduman sa mga bangkay an mga Filisteo tanganing samsaman, nanumpongan ninda sa Bukid nin Gilboa an bangkay ni Saul asin kan saiyang tolong aking lalaki.

1 Mga Cronica 9:44

An anom na aking lalaki ni Azel iyo si Azrikam, Bokeru, Ismael, Searias, Obadias, asin Hanan.

1 Samuel 28:1

Naglihis an panahon, asin tiniripon kan mga Filisteo an saindang hukbo tanganing labanan an Israel. Sinabihan ni Akis si David, “Saboton mo nanggad na kaapil taka asin an saimong mga tawohan sa pakikilaban.”

1 Samuel 28:4

Nagtiripon an hukbo kan Filisteo asin nagkampo harani sa Sunem; tiniripon man ni Saul an mga Israelita asin nagkampo sinda sa Bukid nin Gilboa.