1 Juan 5:16 - Marahay na Bareta Biblia

¹⁶ Kun may makahiling sa tugang niya na nakaginibo nin kasalan na bako man mortal, ipamibi niya ini sa Dios na matao saiya nin buhay. Ini manongod sa mga tawo na an mga kasalan bakong mortal. Alagad igwang kasalan na mortal. Dai ko sinasabi na ipamibi nindo iyan sa Dios.

1 Juan 5:16 ပူးပေါင်းရင်းမြစ်များ

Genesis 20:17

Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Jeremias 11:14

Jeremias, dai mo ipagpamibi an mga tawong ini, ni ipakimaherak sinda sako, huli ta dai ko sinda dadangogon kun mag-apod sinda sako sa panahon kan saindang kasakitan.”

Jeremias 14:11

Nagtaram sako an Kagurangnan, “Dai mo paghagadon sako na tabangan ko an mga tawong ini.

Jeremias 7:16

Nagtaram an Kagurangnan, “Jeremias, dai mo ipagpamibi an mga tawong ini. Dai ka maghibi ni mamibi para sainda; dai ka makimaherak sako huli ta dai taka dadangogon.

Ezekiel 22:30

Naghanap ako nin saro man lamang na lalaki sa sainda na makakatugdok nin kudal, na makakatindog sa kabtang kan kudal na narumpag tanganing bantayan an daga kun madali ko nang tunawon iyan kan sakong kaanggotan, alagad mayo akong nakua.

Mga Bilang 12:13

Kaya namibi si Moises sa Kagurangnan, “Nakikimaherak ako, O Dios, na paomayan mo siya!”

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Lukas 12:10

“An siisay man na magtaram tumang sa Aki nin Tawo pwedeng patawadon; alagad an maglanghad sa Espiritu Santo dai nanggad papatawadon.

Juan 17:9

“Ipinapamibi ko sinda, bakong an kinaban, kundi an gabos na itinao mo sako huli ta sinda sadiri mo.

2 Timoteo 4:14

Dakulang karatan an ginibo sako ni Alejandro na panday nin mga metal; babalosan siya nin Kagurangnan sosog sa saiyang ginibo.

1 Juan 5:17

An gabos na maraot na gibo kasalan, alagad may kasalan na bakong mortal.

1 Samuel 12:19

Nagsarabi sinda ki Samuel, “Pamibian man kami sa Kagurangnan na saimong Dios tanganing dai kami magkagaradan. Aram mi na ngunyan, na idinagdag mi pa sa gabos ming kasalan an karatan na ini, kan maghagad kami nin sarong hade.”

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.