1 Juan 5:14 - Marahay na Bareta Biblia

¹⁴ May pagsarig kita sa Dios na dadangogon niya kita kun minahagad kita saiya nin anoman sosog sa saiyang kabotan.

1 Juan 5:14 ပူးပေါင်းရင်းမြစ်များ

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

An Libro ni Job 34:28

Sinda an nagin dahelan kan pag-agrangay sa Dios kan mga dukha, asin nadangog niya an inagrangay kan mga nasasakitan.

Salmo 145:19

Itinatao niya an kamawotan kan mga natatakot saiya; dinadangog niya an agrangay ninda asin iliniligtas niya.

Salmo 31:22

Nagsaboot ako sa kahandalan, “Napapaharayo ako sa saiyang atubang.” Alagad dinangog niya an sakong inagrangay, kan ako maghagad saiya nin tabang.

Salmo 34:17

Kun minaagrangay an mga matanos, dinadangog nin Kagurangnan; iliniligtas niya sinda sa gabos nindang kasakitan.

Salmo 69:33

Huli ta an mga nangangaipo dinadangog nin Kagurangnan; dai niya isinisikwal an saiyang banwaan na nasa bilanggoan.

Mga Talinhaga 10:24

An natatakotan kan maraot na tawo mangyayari saiya, alagad an kamawotan kan matanos itatao saiya.

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Mateo 21:22

Kun kamo magtubod, makakamtan nindo an anoman na hagadon nindo sa pamibi.”

Juan 11:42

Aram ko na danay mo akong dinadangog, alagad sinasabi ko ini dahel sa mga tawong uya digdi nganing magtubod sinda na sinugo mo ako.”

Juan 14:13

Gigibohon ko an anoman na hagadon nindo sa ngaran ko, tanganing mapamuraway an Ama sa Aki.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Efeso 3:12

Huli kan satong pakisumaro ki Cristo, asin kan satong pagtubod saiya, daing takot saka may paglaom kitang makakadolok sa Dios.

Hebreyo 10:35

Kaya dai kamo mawaraan nin kosog nin boot huli ta may katimbang ining dakulang balos.

Hebreyo 3:14

Huli ta kita magigin kahiras ni Cristo, kun papagdanayon tang pusog sagkod sa kataposan an pagsarig na dating yaon sato.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Santiago 4:3

Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Juan 2:28

Ngunyan, mga aki, magdanay kamo saiya, tanganing pagdatong niya, makosog an satong boot asin dai kita magtago sa sopog.