1 Juan 4:21 - Marahay na Bareta Biblia

²¹ Ini an togon na itinao sato ni Cristo: an siisay man na namomoot sa Dios dapat na mamoot man sa saiyang tugang.

1 Juan 4:21 ပူးပေါင်းရင်းမြစ်များ

Levitico 19:18

Dai kamo magbalos o magrimpos nin maraot na boot sa kiisay man, kundi kamotan nindo an saindong kapwa siring kan pagkamoot nindo sa saindo man sana. Ako an Kagurangnan.

Mateo 5:43

“Nadangog nindo na sinabi kaidto, ‘Kamotan mo an saimong katood, kaongisan mo an saimong kaiwal.’

Lukas 10:37

Nagsimbag an abogado, “Idtong naherak saiya.” Sinabihan siya ni Jesus, “Kun siring, lakaw asin giboha an ginibo niya.”

Juan 15:12

An togon ko iyo ini: magkaminorootan kamo arog kan pagkamoot ko saindo.

Galacia 5:14

Huli ta an bilog na Katogonan naootob sa saro sanang togon, “Kamotan mo an saimong kapwa siring sa pagkamoot mo sa sadiri mo.”

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

1 Tesalonica 4:9

Dai na kaipuhan na suratan pa kamo dapit sa pagkamoot sa kapwa nindo paratubod, huli ta an Dios na an nagtukdo saindo kun paano kamo magkaminorootan.

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

1 Pedro 4:8

Orog sa gabos, magkaminorootan kamo nin tudok sa puso, huli ta an pagkamoot minatahob sa dakul na kasalan.

1 Juan 2:7

Mga namomotan, ining togon na isinusurat ko saindo bakong bago; dati na nindong aram ini poon pa kan magtubod kamo. An daan na togon na ini iyo an tataramon na nadangog na nindo kaidto.

1 Juan 3:11

An katukdoan na nadangog nindo poon pa kan magtubod kamo iyo ini: magkaminorootan kita.

1 Juan 3:14

Aram ta na binayaan ta na an kagadanan asin nakaabot na kita sa buhay, huli ta namomotan ta an satong mga tugang. An siisay man na dai namomoot yaon pa sa kapangyarihan kan kagadanan.

1 Juan 3:18

Mga aki ko, an satong pagkamoot dapat na bako sanang sa mga tataramon o sa ngoso, kundi sa gibo asin sa katotoohan.

1 Juan 3:23

An togon niya iyo ini: dapat kitang magtubod sa saiyang Aking si Jesu-Cristo asin magkaminorootan kita, siring sa ipinagboot sato ni Cristo.

1 Juan 4:11

Mga namomotan, kun siring kaini kadakula an pagkamoot nin Dios sato, dapat man kitang magkaminorootan.