1 Juan 3:22 - Marahay na Bareta Biblia

²² Inaako ta an anoman na hagadon ta saiya, huli ta inootob ta an saiyang mga togon asin ginigibo ta an ikinakaogma niya.

1 Juan 3:22 ပူးပေါင်းရင်းမြစ်များ

An Libro ni Job 22:26

Dangan danay kang mananarig sa Dios asin maaaraman mong siya an ginigikanan kan saimong kaogmahan.

Salmo 10:17

Dadangogon mo, Kagurangnan, an mga pamibi nin mga mahuyo; tatawan mo sinda nin kosog nin boot.

Salmo 34:4

Namibi ako sa Kagurangnan, asin sinimbag niya ako; ilinigtas niya ako sa gabos kong katakotan.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Mateo 21:22

Kun kamo magtubod, makakamtan nindo an anoman na hagadon nindo sa pamibi.”

Markos 11:24

Kaya sinasabihan ko kamo, na anoman an hagadon nindo sa pamibi, magtubod kamo na itatao saindo asin makakamtan nindo iyan.

Juan 14:13

Gigibohon ko an anoman na hagadon nindo sa ngaran ko, tanganing mapamuraway an Ama sa Aki.

Juan 15:10

Kun kinukuyog nindo an sakong mga togon, magdadanay kamo sa pagkamoot ko, siring na kinukuyog ko an mga togon kan sakong Ama asin nagdadanay ako sa saiyang pagkamoot.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Juan 6:29

Nagsimbag si Jesus, “An ipinapagibo saindo nin Dios iyo ini: magtubod kamo sa sinugo niya.”

Juan 8:29

Kaiba ko an nagsugo sako; dai niya ako pinapabayaan; huli ta danay na ginigibo ko an ikinakaogma niya.”

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Mga Gibo 17:30

Dai tinawan nin Dios nin halaga an panahon kan an mga tawo dai nakamidbid saiya, alagad ngunyan pinagbobotan an gabos na tawo saen man na lugar na magbakle na.

Mga Gibo 20:21

Pinatanidan ko an mga Judio saka an mga pagano na magbakle asin magbalik sa Dios patin magtubod sa satong Kagurangnan na Jesu-Cristo.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 4:3

Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Juan 2:3

Kun magkuyog kita kan mga togon nin Dios, iyan an patotoo na midbid ta siya.

1 Juan 5:14

May pagsarig kita sa Dios na dadangogon niya kita kun minahagad kita saiya nin anoman sosog sa saiyang kabotan.