1 Juan 3:20 - Marahay na Bareta Biblia

²⁰ kun hinahatolan kita kan satong puso; huli ta mas dakula an Dios ki sa satong puso saka aram niya an gabos.

1 Juan 3:20 ပူးပေါင်းရင်းမြစ်များ

An Libro ni Job 27:6

Mamomogol ako sa sakong katanosan, asin dai ko iyan bubutasan; dai ako tutuyawon kan sakong konsyensya mantang ako nabubuhay.

An Libro ni Job 33:12

“Alagad sinasabihan taka, Job, nasasala ka. Mas dakula an Dios ki sa arin man na tawo.

Salmo 90:8

Hayag sa atubang mo an samong mga kasalan; an mga hilom nyamong kasalan sa liwanag nin saimong lalawogon.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Juan 8:9

Pagkadangog sa sinabi ni Jesus, saro-sarong naghale an mga tawo, poon sa pinakagurang. Mayong nawalat kundi si Jesus asin an babae na nasa atubangan niya.

Mga Gibo 5:33

Kan madangog ini kan mga kaayon kan Konseho, naanggot sinda nin makuri asin boot nindang ipagadan an mga apostol.

Roma 8:34

Siisay palan an makondenar sainda? Si Cristo Jesus daw na nagadan, nabuhay liwat asin yaon na ngunyan sa too nin Dios, na nakikimaherak para sato?

1 Corinto 4:4

Malinig an sakong konsyensya, alagad iyan dai nagpapatotoo na mayo ako nin kasalan. An Kagurangnan an naghuhukom sako.

Tito 3:11

Huli ta aram mo na an tawong siring kaiyan maraot; an sadiri niyang kasalan iyo an minakondenar saiya.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Hebreyo 6:13

Kan manuga an Dios ki Abraham, nagsumpa siya sa sadiri niyang ngaran huli ta mayo nin mas mapangyari pa ki sa saiya na pwede niyang masumpaan.

1 Juan 3:19

Sa paaging ini maaraman ta na kita nasa katotoohan, asin pinapasarig ta an satong puso sa atubang nin Dios,

1 Juan 3:21

Kaya, mga tugang, kun dai kita hinahatolan kan satong puso, makosog an satong boot sa atubang nin Dios.

1 Juan 4:4

Alagad sadiri kamo nin Dios, mga aki. Dinaog na nindo an mga bakong tunay na propeta, huli ta an Espiritu na yaon saindo mas mapangyari ki kan espiritu na yaon sa mga tawong sadiri kan kinaban.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.