1 Juan 3:17 - Marahay na Bareta Biblia

¹⁷ Kun mayaman an sarong tawo, dangan nahihiling niya an saiyang tugang na nangangaipo, alagad dai niya tinatabangan, paanong makapagsabi siya na may pagkamoot siya sa Dios?

1 Juan 3:17 ပူးပေါင်းရင်းမြစ်များ

Mga Talinhaga 12:10

Inaataman kan marahay na tawo an saiyang mga hayop, alagad dai naheherak sa sainda an maraot.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Lukas 3:11

Sinimbag sinda ni Juan, “An igwa nin duwang gubing, itao an saro sa mayo; siring man an gibohon kan may kakanon, tawan an mayo.”

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.

Hebreyo 13:16

Dai kamo malingaw sa paggibo nin karahayan asin sa pagpatarabang-tabang, huli ta iyo ini an mga sakripisyo na nakakapaogma sa Dios.

Santiago 2:15

Halimbawa igwa nin sarong tugang na lalaki o babae na nangangaipo nin gubing o nin kakanon.

Santiago 2:16

Ano an karahayan kun sabihan lang nindo siya, “Lakaw na sa katoninongan! Magkaigwa ka man logod nin gubing asin kakanon,” kun dai man nindo siya tatawan kan saiyang kaipuhan?

1 Juan 4:20

Putikon an siisay man na nagsasabi, “Namomotan ko an Dios,” alagad naoongis sa tugang niya. Kun dai niya namomotan an saiyang tugang na nahihiling niya, paano niya mamotan an Dios na dai niya nahihiling?

1 Juan 5:1

An siisay man na nagtutubod na si Jesus iyo an Cristo, aki nin Dios; an siisay man na namomoot sa ama, namomoot man sa aki.