1 Juan 3:1 - Marahay na Bareta Biblia

¹ Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.

1 Juan 3:1 ပူးပေါင်းရင်းမြစ်များ

2 Samuel 7:19

Alagad dakul pa an ginigibo mo para sako, O Kagurangnan Dios; nagtaram ka man manongod sa sakuyang kapagarakian sa maabot na panahon. Ipinahiling mo ini sa sarong tawo, O Kagurangnan Dios!

Salmo 31:19

Dakula an pagkamarahayon mo sa mga may pagkatakot saimo, sa mga minasarig saimo. Ini ipinahiling mo sa atubang nin mga tawo.

Jeremias 3:19

Nagsasabi an Kagurangnan, “Israel, binoot kong akoon ka bilang sakong aking lalaki asin tawan ka nin sarong matubang na daga, an daga na pinakamagayon sa bilog na kinaban. Binoot kong apodon mo akong ama, asin dai ka na nanggad matalikod sako.

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Lukas 20:36

Dai na sinda magagadan, huli ta magigin arog na sinda sa mga anghel. Sinda mga aki nin Dios, huli ta nabuhay sinda liwat.

Juan 1:12

Alagad an mga nag-ako saka nagtubod saiya, tinawan niya nin deretso na magin mga aki nin Dios.

Juan 11:52

asin bako sanang para sa nasyon, kundi tanganing tiponon man an gabos na nagkawaragas na mga aki nin Dios.

Juan 15:21

Alagad gigibohon ninda ini gabos saindo dahel sako, huli ta dai ninda midbid an nagsugo sako.

Juan 16:3

An mga bagay na ini gigibohon saindo kan mga tawo huli ta dai ninda namidbid an Ama o ako.

Juan 17:25

O Amang matanos, dai ka midbid kan kinaban, alagad midbid taka; aram kan mga ini na sinugo mo ako.

Juan 3:16

Huli ta namoot na gayo an Dios sa kinaban kaya itinao niya an saiyang bugtong na Aki, tanganing an siisay man na magtubod saiya dai magadan kundi magkamit nin buhay na daing kataposan.

Roma 5:8

Alagad ipinahiling nin Dios an saiyang dakulang pagkamoot sato kan si Jesus nagadan para sato kan kita mga parakasala pa!

Roma 8:19

An gabos na linalang tudok sa puso na naghahalat na ihayag kan Dios an saiyang mga aki.

Roma 8:21

na an linalang patatalingkasan nin Dios tanganing dai na iyan malapa, asin tanganing makahiras sa mamurawayon na katalingkasan kan mga aki nin Dios.

Roma 8:32

Kun dai niya ngani ipinangalad an saiyang sadiring Aki, kundi itinao niya para sato gabos, an gabos na bagay pa daw an dai niya itao sato kaiba kan saiyang Aki?

2 Corinto 6:18

Ako an magigin ama nindo, kamo an magigin mga aki ko, olay kan Makakamhan na Kagurangnan.”

Galacia 3:26

Huli kan saindong pagtubod ki Cristo Jesus, kamo gabos nagin mga aki nin Dios.

Galacia 3:29

Kun kamo ki Cristo, mga aki kamo ni Abraham, mga paramana sosog sa panuga.

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

Colosas 3:3

Huli ta nagadan na kamo, asin an saindong buhay natatago kaiba ni Cristo sa Dios.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 3:2

Namomotan kong mga tugang, ngunyan mga aki na kita nin Dios, alagad bako pang malinaw kun magigin ano kita. Alagad aram ta na kun dumatong na si Cristo, magigin kitang arog saiya, huli ta mahihiling ta siya kun siisay talaga siya.

1 Juan 4:17

Sa paaging ini naootob sato an kapanoan kan pagkamoot tanganing magkaigwa kita nin kosog nin boot sa Aldaw nin Paghukom, huli ta an satong buhay sa kinaban na ini pareho kan buhay ni Cristo.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.