1 Juan 2:28 - Marahay na Bareta Biblia

²⁸ Ngunyan, mga aki, magdanay kamo saiya, tanganing pagdatong niya, makosog an satong boot asin dai kita magtago sa sopog.

1 Juan 2:28 ပူးပေါင်းရင်းမြစ်များ

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 45:17

Alagad ilinigtas nin Kagurangnan an Israel, asin magdadanay sagkod lamang an saiyang kapangganahan; dai nanggad siya mapapasopog asin mawawaraan nin onra sagkod pa man.’”

Malakias 3:2

Alagad siisay an makakatagal kun mag-abot na an aldaw na iyan? Siisay an mabubuhay kun magpahiling na siya? Huli ta makakaagid siya sa makosog na sabon, arog sa kalayo na naglilinig sa metal.

Malakias 4:5

“Alagad bago dumatong an dakula saka makangirhat na aldaw nin Kagurangnan, ipapadara ko saindo an propetang si Elias.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 16:28

Sa katotoohan sinasabihan ko kamo, igwa nin nagkapira digdi na dai magagadan sagkod na dai ninda mahiling na minadatong an Aki nin Tawo sa saiyang Kahadean.”

Markos 8:38

An siisay man na ikasopog ako asin an mga katukdoan ko sa atubang kan mga tawong masombikal asin parakasala, ikakasopog man kan Aki nin Tawo sa aldaw nin saiyang pagdatong sa kamurawayan nin saiyang Ama kaiba an mga banal na anghel.”

Lukas 17:30

Arog man kaiyan sa aldaw na magpahiling an Aki nin Tawo.

Roma 9:33

na nasasambit sa kasuratan, “Hilinga, nagbugtak ako sa Sion nin sarong gapo na masisingkogan nin mga tawo, sarong gapo na makakapatumba sainda. Alagad an siisay man na magtubod saiya, dai mapapasopog.”

1 Corinto 1:7

Kaya nag-ako kamo kan gabos na balaog na espiritwal, mantang naghahalat kamo na mahayag si Jesu-Cristong Kagurangnan ta.

1 Corinto 15:23

Bubuhayon an lambang saro sa sadiring panahon na talaan saiya: si Cristo an enot sa gabos, dangan an mga tawong sadiri ni Cristo, sa pagdatong niya.

Efeso 3:12

Huli kan satong pakisumaro ki Cristo, asin kan satong pagtubod saiya, daing takot saka may paglaom kitang makakadolok sa Dios.

Colosas 3:4

Kun magpahiling na si Cristo, an tunay nindong buhay, kamo man matunga kaiba niya sa kamurawayan!

1 Tesalonica 2:19

Kamo, na samong paglaom asin kaogmahan, an dahelan kan pag-oorgulyo mi kan kapangganahan sa atubang ni Jesu-Cristo na satong Kagurangnan pagbalik niya.

1 Tesalonica 3:13

Sa paaging ini papasarigon niya an saindong mga puso na mayo nin kaninan sa kalinigan sa atubang kan satong Dios asin Ama, pagbalik kan satong Kagurangnan na si Jesus kaiba an gabos niyang banal.

1 Tesalonica 5:23

Pakabanalon logod kamo nin lubos kan Dios nin katoninongan; magdanay logod kamong malinig asin daing digta sa espiritu, sa kalag, asin hawak, sagkod sa pagdatong ni Jesu-Cristo na satong Kagurangnan.

1 Timoteo 6:14

otobon mo an mga togon saimo saka magin maimbod ka sa pagsunod kaiyan sagkod sa Aldaw kan pagbalik ni Jesu-Cristo na satong Kagurangnan.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.

1 Pedro 5:4

Pag-abot kan Poon na Pastor, maako kamo kan magayon na korona na dai naglulubad.

1 Juan 2:1

Isinusurat ko ini saindo, mga aki ko, tanganing dai kamo magkasala. Alagad kun may magkasala, igwa nin nakikimaherak para sato sa atubang kan Ama—si Jesu-Cristo, an matanos.

1 Juan 3:2

Namomotan kong mga tugang, ngunyan mga aki na kita nin Dios, alagad bako pang malinaw kun magigin ano kita. Alagad aram ta na kun dumatong na si Cristo, magigin kitang arog saiya, huli ta mahihiling ta siya kun siisay talaga siya.

1 Juan 3:21

Kaya, mga tugang, kun dai kita hinahatolan kan satong puso, makosog an satong boot sa atubang nin Dios.

1 Juan 4:17

Sa paaging ini naootob sato an kapanoan kan pagkamoot tanganing magkaigwa kita nin kosog nin boot sa Aldaw nin Paghukom, huli ta an satong buhay sa kinaban na ini pareho kan buhay ni Cristo.

1 Juan 5:14

May pagsarig kita sa Dios na dadangogon niya kita kun minahagad kita saiya nin anoman sosog sa saiyang kabotan.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!